Wikipedia:Artigo destacado/Votacións

---

Nesta páxina atópanse as votacións actuais para elixir novos artigos destacados.
Para acceder á páxina de votación do artigo, preme na ligazón "[editar]" da proposta.

---

Arquivo de votacións

---

Debate pechado. Por favor, non faga edicións neste arquivo.

Lista de monarcas dos reinos cristiáns da Península Ibérica

Proposto por: Cossue (conversa) 14 de xullo de 2021 ás 07:53 (UTC) (Período de votación: dende o 14-07-2021 ata, polo menos, o 29-07-2021)

• Información: MÉRITOS DO ARTIGO: Boa recompilación dos monarcas dos diferentes reinos cristiáns da Península Ibérica ao longo da historia. Graficamente excelente, recolle a visión historiográfica máis moderna, acorde coa de múltiples artigos da propia Galipedia.--Cossue (conversa) 14 de xullo de 2021 ás 07:53 (UTC)

A favor

1. Concordo. --Cossue (conversa) 14 de xullo de 2021 ás 07:53 (UTC)
2. Concordo. --Atobar ^{(conversa comigo)} 14 de xullo de 2021 ás 09:53 (UTC)
3. Concordo. --Chairego apc (conversa) 15 de xullo de 2021 ás 15:29 (UTC)
4. Concordo. --Breogan2008 (conversa) 19 de xullo de 2021 ás 17:14 (UTC)
5. Concordo. --One2 (conversa) 24 de xullo de 2021 ás 19:40 (UTC)
6. Concordo.--AMPERIO (conversa) 28 de xullo de 2021 ás 19:41 (UTC)

En contra

1. Discordo. Piquito (conversa) 28 de xullo de 2021 ás 10:25 (UTC)

Neutros

Comentarios

• Comentario Como sería o resumo da portada? --. HombreDHojalata.^conversa 14 de xullo de 2021 ás 09:59 (UTC)
  • Comentario @One2:, poderías ampliar un pouco a introdución do artigo?--Cossue (conversa) 14 de xullo de 2021 ás 11:37 (UTC)
    • Comentario @HombreDHojalata: @Cossue: poderíase empregar o mesmo texto, adaptando o comezo. Algo así:

A lista de monarcas dos reinos cristiáns da Península Ibérica presenta simultaneamente para cada reino cristián peninsular a súa correspondente serie de soberanos sucesivos que alí rexeron, abranguendo o período decorrido desde a caída do reino visigodo en 711 até a actualidade.

Trala chegada musulmá no século VIII á península, mentres a España visigoda e Septimania foron tomadas polos exércitos musulmáns, en Galiza comezábase a conformación dun novo reino cristián. Posteriormente foron aparecendo novos reinos, xurdidos a partir dos núcleos cristiáns do norte peninsular. Cómpre ter en conta que estes reinos, a medida que acadaban vitorias ou conquistas, podían ir incorporando outros «reinos» musulmáns; por exemplo, o reino de Toledo ―incorporado ó de Castela―, o reino de Valencia ―incorporado ó de Aragón―, o reino do Algarve ―incorporado ó de Portugal― ou o reino de Granada.

One2 (conversa) 15 de xullo de 2021 ás 00:41 (UTC)

┌────────────────────────────────────────────────────────────────────────────────────────────────────┘ Comentario. Sen ser experto na materia diría que o título do artigo non se corresponde co seu contido. Sempre que lin/escoitei falar dos "reinos cristiáns" é no contexto da "Reconquista" (se se lle pode chamar así), a partir dese momento nunca vin que se referira aos reinos baixo a coroa española ou portuguesa como "cristiáns". Aínda sendo certo que despois da "Reconquista" se puidera falar de "reinos cristiáns", o feito de que se inclúa Xoán Carlos I e Filipe VI xa fai que o título do artigo sexa incorrecto, xa que o reino de España é un estado aconfesional. Como solución incluiría os monarcas dos reinos árabes e mudaría o título do artigo a "Lista de monarcas dos reinos da Península Ibérica" (eliminando "cristiáns") ou eliminar todo o contido que non encaixe con esa denominación de "reino cristián", isto é, eliminar todos os monarcas da idade moderna e contemporánea. Na miña opinión, co título e o contido que ten agora mesmo non se reflexa a realidade. Piquito (conversa) 14 de xullo de 2021 ás 11:42 (UTC)

Comentario @Piquito: Os reinos non deixan de ser cristiáns porque haxa un ―suposto― cambio de era; as denominacións dos períodos históricos só son convencións e mesmo poden mudar dun autor a outro. De feito, os reinos conquistados serán coñecidos como cristiáns: es:Reino cristiano de Valencia, es:Reino cristiano de Jaen, es:Reino cristiano de Sevilla, es:Reino cristiano de Cordoba, es:Reino cristiano de Granada…

Para os casos de Xoán Carlos I e Filipe VI, o problema soluciónase póndolles outra cor de fondo e informando da aconfesionalidade, do mesmo xeito que cando hai república aparece en gris. Precisamente o termo «cristiáns» é pra evitar pór máis reinos. Incluílos todos seméllame demasiado ambicioso… É o que tentaron na wiki en castelán e o resultado non me parece moi bo. De feito fáltanlle os reis das 20 taifas mínimo que hai. One2 (conversa) 15 de xullo de 2021 ás 00:41 (UTC)

Indiquei a aconfesionalidade e púxenlles outra cor. One2 (conversa) 24 de xullo de 2021 ás 19:40 (UTC)

One2, varias cousas:

1. Os reinos deixan de denominarse "cristiáns" logo da conquista de Granada. O único motivo polo que se indica o termo "cristiáns" é por oposición aos reinos musulmáns, no momento en que deixa de haber reinos musulmáns na Península Ibérica esta distinción carece de sentido, por iso o resto de reinos europeos da época non se denominan "cristiáns" (non se di por exemplo o reino cristián de Wessex). A bibliografía non cita "reinos cristiáns" na Península Ibérica máis aló da conquista de Granada (achega referencia). Non se trata só de se os reinos se denominaban X ou Z, senón de como os citan as fontes, e eu non vin nunca ningunha fonte que se refira aos renios España ou Portugal como reinos cristiáns, se non hai fontes debe eliminarse todo o contido do artigo posterior á conquista de Granada (como xa indique), mudar o nome do artigo, ou incluir os reinos musulmáns e mudar o título a "Lista de monarcas dos reinos da Península Ibérica)". Tamén se presenta un problema, o reino suevo foi cristián (non en orixe, pero nos anos finas teño entendido que si): por que non aparece na lista? O mesmo pasa co reino visigodo... Por que estes dous últimos non aparecen na lista se como dis "Os reinos non deixan de ser cristiáns porque haxa un ―suposto― cambio de era"? Será que a denominación "reinos cristiáns" ten que ver máis cunha diferenciación destes fronte aos musulmáns (que non existían durante o dominio visigodo)?
2. Por outra banda, non se explican en ningures as diferentes cores empregadas na táboa (que significa o gris escuro, o gris claro...).
3. Falta citar entre os reinos o reino de Asturias, se a historiografía máis actual (e non só galega) considera que non existiu este reino debe aparecer cunha nota aclaratoria, xa que para garantir o punto de vista neutral deben aparecer os distintos puntos de vista, e o reino asturiano aparece en numerosa bibliografía (non só española). Ao referirnos a unha época tan afastada vexo difícil (mesmo imposible) afirmar que reinos existiron e cales non.
4. Como xa indicou HombreDHojalata, o artigo precisa dunha introdución máis longa.

Creo que debemos ser rigorosos cos artigos que levamos á portada, por iso, aínda que valoro o teu traballo, non considero que deba aparecer na portada, hai na mina opinión demasiadas imprecisións e ocúltase un reino amplamente referenciado na historiografía. Agora mesmo ten votos para ser escollido, pero pediría por favor que se agarde a pechar a votación a que este debate se resolva e pediría ás persoas que participaron na votación (Cossue, Atobar, Chairego apc, Breogan2008), e outras persoas que adoitan revisar a calidade dos artigos como Miguelferig ou HombreDHojalata (ambos cunha longa traxectoria na Galipedia) para que en vista a estas observacións manteñan ou retiren o seu apoio á proposta. Piquito (conversa) 28 de xullo de 2021 ás 10:25 (UTC)

Piquito:

1. Se o «reino cristián de Wessex» era cristián poderáselle chamar como tal ([1]), ainda que sexa pouco habitual. Tampouco se di «reino aconfesional de España», mais se fago unha lista de reinos aconfesionais pois inclúoo. Como exemplo, nesta táboa do mesmo estilo falan de reinos cristiáns e van até a actualidade tamén: p. 52 e p. 54. Sexa como for, tal como está o artigo que título lle porías ou cal sería o máis exacto?
2. (?) O gris escuro é a cabeceira e o claro cando non hai rei (os reis que están de gris claro explícase que non eran reis na realidade)…
3. Polo que a min respecta iso do reino de Asturias está superado aínda que a nota pódeselle pór.

One2 (conversa) 28 de xullo de 2021 ás 23:59 (UTC)

One2:

1. Sigo sen concordar. Xa che dei solucións, non quero redundar máis no tema, na miña opinión a mellor opción é incluir as taifas, é o mellor xeito en que este artigo pode quedar completo, xa que se inclúen todos os monarcas da Península Ibérica sen excepción, que pode ser máis complicado... non che digo que non, pero que sexa complexo non indica que sexa peor. Por certo, sigo sen saber que pasa cos reis visigodos e o final do reino suevo, que pasa con eses reinos cristiáns?.
2. Non me tes que dicir nesta votación o que significan as cores, o que corresponde é facer unha lenda que calquera poida consultar sen ver esta votación.
3. O "polo que a min respecta" non é un motivo enciclopédico, respecto a túa opinión, pero unha cousa é que eu a respecte e outra ben distinta é que a considere un argumento para borrar desta lista un reino que aparece en multitude de libros de historia e que, polo tanto, debe aparecer ao mesmo nivel que o resto de reinos (se ben pode incluirse unha nota indicando que hai controversia en torno á existencia dese reino, pero tamén habería que ver o ton da nota, se afirma categoricamente que o reino non existe para min non sería unha nota válida).
4. A introdución segue a ser insuficiente.
5. Opino igual que HombreDHojalata no tema de Hispania e España, creo que dá lugar a confusións innecesarias.

Piquito (conversa) 30 de xullo de 2021 ás 19:29 (UTC)

Eu non son experto, porén chirríanme algunhas cousas, como, por exemplo, o seguinte pé de imaxe: "Noroeste peninsular no ano 1064, cando España se acha dividida en taifas."

¿Pódese falar de "España" en 1064? (nótese, ademais, que na imaxe non aparece rotulada a palabra "España", o que aparece é "Hispania"). --. HombreDHojalata.^conversa 28 de xullo de 2021 ás 11:48 (UTC)

Si, HombreDHojalata, é a Hispania ou Spania da alta idade media sobre todo, o territorio musulmán da Península Ibérica, que os propios musulmáns denominaban Al-Andalus. De feito, esa última modificación que fixeches fixéraa tamén Piquito e eu desfixéraa. Como podes ver no historial, alí explico que «A tradución non é rara en absoluto, p. e.: “…cando desde o 711 os musulmáns dominen a Península, considerarán que España remataba nesa mesma liña anteriormente indicada, a partir da cal comezaba Galicia”, en López Carreira, 2005, p. 39». One2 (conversa) 28 de xullo de 2021 ás 21:19 (UTC)

‎HombreDHojalata, por exemplo tamén na versión en castelán do artigo dise «La conquista musulmana de la península ibérica del siglo VIII produjo la división del espacio peninsular entre la España musulmana (al-Ándalus, término también equivalente a los de "España", "Hispania", "Iberia" o "península ibérica")…». Eu pediríache que desfixeses a edición. One2 (conversa) 28 de xullo de 2021 ás 23:59 (UTC)

Desfago, inda que non convencido. ¿Para que empregar "España" para referirse a "Hispania" etcétera?! Para min da pé a confusións doadamente evitables. --. HombreDHojalata.^conversa 29 de xullo de 2021 ás 11:38 (UTC)

---

Debate pechado. Por favor, non faga edicións neste arquivo.

1 − 2 + 3 − 4 + ...

Proposto por: Breogan2008 (conversa) 13 de xullo de 2021 ás 14:15 (UTC) (Período de votación: dende o 13-07-2021 ata, polo menos, o 28-07-2021)

• Información: MÉRITOS DO ARTIGO: Artigo de calidade que aínda non foi destacado na portada. É o único artigo sobre matemáticas con este distintivo e sería unha boa maneira de ofrecer máis variedade de contigos na portada. --Breogan2008 (conversa) 13 de xullo de 2021 ás 14:15 (UTC)

A favor

1. Concordo. --Breogan2008 (conversa) 13 de xullo de 2021 ás 14:15 (UTC)
2. Concordo. --Pablo Usuario (conversa) 13 de xullo de 2021 ás 14:20 (UTC)
3. Concordo. --Cossue (conversa) 14 de xullo de 2021 ás 07:55 (UTC)
4. Concordo--. HombreDHojalata.^conversa 14 de xullo de 2021 ás 09:46 (UTC)
5. Concordo. --Atobar ^{(conversa comigo)} 14 de xullo de 2021 ás 09:50 (UTC)

En contra

Neutros

Comentarios

---