Pepe Torres: Diferenzas entre revisións
m engado a Categoría:Adestradores de fútbol de Galicia mediante HotCat |
m engado a Categoría:Adestradores do Deportivo da Coruña mediante HotCat |
||
Liña 59: | Liña 59: | ||
[[Categoría:Xogadores do Sporting Lugo]] |
[[Categoría:Xogadores do Sporting Lugo]] |
||
[[Categoría:Adestradores de fútbol de Galicia]] |
[[Categoría:Adestradores de fútbol de Galicia]] |
||
[[Categoría:Adestradores do Deportivo da Coruña]] |
Revisión como estaba o 8 de maio de 2021 ás 12:05
Pepe Torres | |||
---|---|---|---|
Información persoal | |||
Nome | José Torres Mourelles | ||
Nacemento | 8 de outubro de 1901 | ||
Lugar de nacemento | Ourense | ||
Posición | Centrocampista | ||
Carreira sénior | |||
Anos | Equipos | Aprs | (Gls) |
1928–1934 | Deportivo da Coruña | 88 | (10) |
Partidos e goles só en liga doméstica. [ editar datos en Wikidata ] | |||
José "Pepe" Torres Mourelle, nado en Ourense o 8 de outubro de 1901, foi un futbolista e adestrador de fútbol galego. Xogaba de centrocampista.
Traxectoria
Xogou no Racing Club de Ferrol na tempada 1922-23, e disputara no club verde algúns partidos amigábeis na campaña anterior. Xogou tamén no Real Club Coruña[1] e foi convocado coa selección galega de fútbol, aínda que non chegou a xogar.[2]
Emigrou a Cuba durante un tempo, e alí xogou no Olimpia Sporting Club, co que conseguiu o título do Campionato Nacional de Fútbol de Cuba,[3] e no Real Iberia da Habana, xunto a outros galegos como Manuel Bergés, os irmáns Gonzalo, Edelmiro e O'Donell Lorenzo Codesido, ou o exdeportivista Cachán.[4] Co Iberia gañou os campionatos de 1926 e 1928.
Volveu á Coruña en 1928, e en agosto xogou co Deportivo da Coruña en Riazor un partido amigábel fronte ao Celta de Vigo.[5] Un mes despois fichou polo Sporting Lugo, do que o seu irmán Antonio era dianteiro centro e membro da directiva.[6] Pouco despois foi contratado polo Deportivo co que disputou a tempada 1928–29, cun soldo de 400 pesetas ao mes. Foi un dos futbolistas titulares que xogaron o histórico primeiro partido do Deportivo en liga nacional fronte ao Alavés en Mendizorrotza.[7] En 1932 xogou coa selección galega no Inferniño un partido contra o Racing de Ferrol en homenaxe a Manuel Rivera.[8]
Exerceu como adestrador do Deportivo durante a tempada 1948-49.[9]
En 1954 converteuse en presidente do Fabril. Era ademais o propietario do bar Astoria, en cuxo primeiro piso se atopaba a sede do club.[10]
Persoal
O seu fillo, Carlos Torres Barallobre, tamén foi futbolista.
Notas
- ↑ "¿José Torres a la Coruña?". El Orzán (en castelán). 7 de xaneiro de 1928.
- ↑ Miranda, Carlos (18 de maio de 2016). "La otra Selección Galega, el equipo que se le resistió al Dépor". La Opinión A Coruña (en castelán). Consultado o 10 de outubro de 2019.
- ↑ Parada, César (6 de xullo de 1928). ""Pepe" Torres y Santos Nosti Pelón". Diario de la Marina.
- ↑ Pobes, José (1 de xullo de 2010). "Españoles en el fútbol cubano" (en castelán). Consultado o 9 de outubro de 2019.
- ↑ "En Riazor - El partido de esta tarde". El Orzán (en castelán). 14 de agosto de 1928.
- ↑ "De fútbol. Varias noticias". El Progreso (en castelán). 20 de setembro de 1928.
- ↑ "Se cumplen 90 años del primer partido del Deportivo en el Campeonato Nacional de Liga" (en castelán). 17 de febreiro de 2019. Consultado o 9 de outubro de 2019.
- ↑ "Homenaje a Rivera" (en castelán). 23 de agosto de 1932. Consultado o 10 de outubro de 2019.
- ↑ "Adestradores do Deportivo". Web oficial do Deportivo (en castelán). Consultado o https://www.rcdeportivo.es/rcdeportivo/protagonistas/entrenadores.
- ↑ "Historia do Fabril". Rafael Vacas (en castelán). Consultado o 9 de outubro de 2019.