Sedimentoloxía

A sedimentoloxía se refire ao estudo de sedimentos modernos e á comprensión dos procesos que os depositan. Tamén contrasta estas observacións aos estudos de antigas rochas sedimentarias. Os sedimentologos aplican o seu coñecemento dos procesos modernos ás rochas sedimentarias formadas historicamente, permitíndolles entender como foron formadas.

As rochas sedimentarias cubren a maioría da superficie da Terra, rexistran información de moita da historia da Terra, e albergan o rexistro fosil. A sedimentoloxía está intimamente relacionada coa estratigrafía, o estudo das relacións temporais e físicas entre as capas de rocha, ou estratos.

Principios básicos

O obxectivo da sedimentoloxía, o estudo dos sedimentos, é a extracción de información sobre as condicións deposicionais que actuaron para depositar a unidade de rocha, e a relación das unidades individuais de rocha nunha cunca nun marco coherente da evolución das secuencias e cuncas sedimentarias, e polo tanto, da historia xeolóxica da Terra no seu conxunto.

A base científica disto é o uniformismo, que di que os sedimentos dentro das rochas sedimentarias antigas foron depositados da mesma maneira que os sedimentos que se están a depositar hoxe na superficie da Terra.

As condicións sedimentolóxicas son rexistradas nos sedimentos a medidas que se van depositando, e a forma dos sedimentos na actualidade reflicte os eventos do pasado, e todos os eventos que afectan ao sedimento, dende a fonte do material sedimentario até os esforzos que actuaron sobre eles despois da diaxénese poden ser estudados.