Calros Silvar: Diferenzas entre revisións
m engado a Categoría:Ilustradores de Galicia mediante HotCat |
Sen resumo de edición |
||
Liña 50: | Liña 50: | ||
{{Control de autoridades}} |
{{Control de autoridades}} |
||
{{ORDENAR: |
{{ORDENAR:Silvar, Calros}} |
||
[[Categoría:Debuxantes de Galicia]] |
[[Categoría:Debuxantes de Galicia]] |
||
[[Categoría:Pintores de Galicia]] |
[[Categoría:Pintores de Galicia]] |
Revisión como estaba o 20 de abril de 2021 ás 20:40
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
Nome orixinal | Carlos Rodríguez Silvar |
---|---|
Biografía | |
Nacemento | 31 de decembro de 1954 (69 anos) Ferrol, España |
Datos persoais | |
País de nacionalidade | España |
Educación | Universidade Complutense de Madrid |
Actividade | |
Ocupación | debuxante , ilustrador , pintor |
Lingua | Lingua castelá |
Carlos Rodríguez Silvar, máis coñecido como Calros Silvar, nado o 31 de decembro de 1954 en Ferrol, é un debuxante, pintor e ilustrador galego.
Traxectoria
En 1977 graduouse en Artes Aplicadas, especialidade de Interiorismo, na Escola de Artes e Oficios Artísticos Nº 10 de Madrid. En 1983 Licenciouse en Belas Artes, especialidade Pintura, pola Universidade Complutense de Madrid.
Iniciuose como humorista gráfico, caricaturista, debuxante de banda deseñada e ilustrador en varias editoriais de Madrid, na súa etapa de estudante de Interiorismo e Belas Artes. No curso 1980-81, sendo aínda estudante, foi profesor de Debuxo na Real Academia de Belas Artes de San Fernando.
Desde finais da década de 1970 até mediados dos 90 colaborou en diversas publicacións periódicas como ilustrador, humorista gráfico e caricaturista, até que centrou a súa actividade no campo editorial, especializándose ao tempo na ilustración da natureza.
A súa actividade central durante 30 anos foi o deseño de produtos de porcelana, para o Grupo Sargadelos. Porén, a fotografía, o debuxo ou a pintura foron e seguen a ser actividades recorrentes, que se plasmaron en numerosas exposicións e publicacións ou produtos variados (libros de texto e literatura en xeral, guías de campo, paneis divulgativos, folletos, cartazes, autocolantes, camisetas etc).
Como debuxante da natureza, destacan as súas colaboracións en moitos traballos de Xosé Manuel Penas Patiño e Carlos Pedreira López, así como nas obras Guía de árboles de Euskal Herria, de Henrique Niño Ricoi; Guía de aves de Euskal Herria, de Xosé Manuel Penas Patiño e Carlos Pedreira López, ambas editadas por SUA Edizioak, editorial de Bilbao especializada en montaña, excursionismo, viaxes, sendeirismo e cartografía pirenaica, e Guía das árbores de Galicia, de Henrique Niño Ricoi, editado en 2001 por Baía Edicións. Tamén é un dos autores das ilustracións da obra en dous volumes Atlas de vertebrados de Galicia, editado en 1995 pola Sociedade Galega de Historia Natural e o Consello da Cultura Galega.
Así mesmo, é o autor e ilustradador de varios libros sobre diversos aspectos da natureza, narrados didacticamente co asesoramento de especialistas en cada materia.
Desde 2014 é o propietario de ACADA Comunicación S. L., sociedade localizada en Sada.
Obras
- Guía das aves de Galicia (Baía Edicións, 1991)
- O entroido: a vella festa continúa (Con Felipe-Senén López Gómez; Baía Edicións, 1994). ISBN 978-84-8767-442-6.
- Orixe e evolución II (Edicións A Nosa Terra, 1995). ISBN 978-84-8913-824-7.
- Vermes e outros invertebrados (Edicións A Nosa Terra, 1997). ISBN 978-84-8913-873-5.
- Artrópodos (Insectos e Arácnidos) (Edicións A Nosa Terra, 1997). ISBN 978-84-8913-891-9.
- Observando os vexetais (Edicións A Nosa Terra, 1997). ISBN 978-84-8997-634-4.
Premios
- 1º Premio de Debuxo de Radio Ferrol, 1966.
- 1º Premio de Cómic da Agrupación Cultural O Facho, 1985.
- 2º Premio de Cómic Casa da Xuventude de Ourense, 1985.
- 1º Premio Curuxa do Humor. Museo do Humor de Fene, 1988.
- Premio Isaac Díaz Pardo ao Libro Ilustrado, 2007, outorgado pola Asociación Galega de Editores, pola obra Guía dos mamíferos de Galicia, de Juan Ignacio Díaz d'a Silva e Yosy Cartelle, editado por Baía edicións.
- Nomeado aos Premios Mestre Mateo ao Audiovisual de 2003, por Cecebre-Ecoxogo.
Véxase tamén
Bibliografía
- Enciclopedia Galega Universal. Ir Indo. 1999-2002. ISBN 84-7680-288-9.
- Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. ISBN 84-8064-113-4.
Ligazóns externas
- Carlos Rodríguez Silvar en Galegos. Galicia digital.
- Bibliografía de pintura gallega: Carlos Rodríguez Silvar, (Ferrol, 1954) en Pintores Gallegos.
- Silvar, Carlos en cultura.galiciadigital.com
- Páxina web de Carlos Silvar.