Alatriste

Alatriste é unha película de cine española dirixida por Agustín Díaz Yanes, e baseada no protagonista dunha serie de novelas escritas por Arturo Pérez-Reverte, Las aventuras del capitán Alatriste.

É a película máis cara da historia do cine español (uns 24 millóns de euros). A produtora estadounidense 20th Century Fox comprou os dereitos da película.

Ten un amplo reparto encabezado por Viggo Mortensen no papel protagonista de Alatriste e do que tamén forma parte cunha pequena intervención o actor galego Luis Zahera.

O 15 de setembro de 2006, a Academia das Artes e as Ciencias Cinematográficas de España elixiu a Alatriste (xunto con outras dúas películas) como candidata para competir polo posto de representante española nos Oscar. Finalmente, foi Volver, de Almodóvar, quen o fixo, aínda que non foi seleccionada.

Reparto principal

• Viggo Mortensen como Capitán Diego Alatriste.
• Javier Cámara como Conde-Duque de Olivares.
• Eduardo Noriega como Conde de Guadalmedina.
• Juan Echanove como Francisco de Quevedo.
• Unax Ugalde como Íñigo de Balboa, paxe de Alatriste.
• Elena Anaya como Angélica de Alquézar.
• Ariadna Gil como María de Castro, actriz de teatro.
• Francesc Garrido como o alguacil Martín Saldaña (substitúe a Antonio Resines tras sufrir este un accidente que lle impediu participar).
• Eduard Fernández como Sebastián Copons, amigo do capitán.
• Blanca Portillo como o inquisidor Fray Emilio Bocanegra. O director tiña claro desde un principio que este papel sería interpretado por una muller e moitos espectadores sorprendéronse ó saber que era Blanca Portillo quen estaba detrás deste personaxe.
• Paco Tous como Xeneral Francisco de Melo.
• Enrico Lo Verso como Gualterio Malatesta, espadachín italiano.
• Antonio Dechent como Curro Garrote, compañeiro de Alatriste.
• Pilar Bardem no papel de monxa.
• Pilar López de Ayala como muller de Malatesta.

Argumento

A historia ocorre durante a España Imperial do século XVII. Diego Alatriste é un soldado ó servizo do rei Felipe IV. Atópase na Guerra de Flandes. Ó seu regreso, ve como o Imperio se vai desmoroando por momentos a causa do egoísmo dos gobernantes da época.

A trama da película fai un percorrido por cada un dos cinco libros publicados ata a estrea, mantendo como fío argumental da mesma os personaxes principais.

Premios e nominacións

Goya 2006

Categoría	Persoa	Resultado
Mellor película		Candidata
Mellor actor	Viggo Mortensen	Candidato
Mellor actor de reparto	Juan Echanove	Candidato
Mellor actriz de reparto	Ariadna Gil	Candidata
Mellor guión adaptado	Agustín Díaz Yanes	Candidato
Mellor dirección de produción	Cristina Zumárraga	Gañadora
Mellor música orixinal	Roque Baños	Candidato
Mellor dirección artística	Benjamín Fernández	Gañador
Mellor deseño de vestiario	Francesca Sartori	Gañadora
Mellor fotografía	Paco Femenia	Candidato
Mellor montaxe	José Salgado	Candidato
Mellor maquillaxe e perruquería	José Luís Pérez	Candidato
Mellor son	Pierre Gamet	Candidato
Mellores efectos especiais	Reyes Abades, Rafael Solorzano	Candidatos

Ligazóns externas

• IMDb
• Alatriste, la película — páxina web oficial da película
• Capitán-Alatriste Web non oficial da película
• Ficha, noticias, multimedia en Estrenosdecine.net
• Crítica da película