Aro, Negreira

Para outras páxinas con títulos homónimos véxase: Aro.

Aro
Igrexa de San Vicenzo de Aro.
Concello	Negreira
Provincia	A Coruña
Coordenadas	42°54′14″N 8°47′24″O
Área	16,17 km²
Poboación	270 hab. (2014)
Densidade	16,7 hab./km²
Entidades de poboación	10
[ editar datos en Wikidata ]

San Vicenzo de Aro é unha parroquia situada ao leste do concello coruñés de Negreira, na comarca da Barcala. Segundo o padrón municipal (INE 2014) ten 270 habitantes (125 homes e 145 mulleres) distribuídos en 9 entidades de poboación, o que supón unha diminución en relación ao ano 1999 cando tiña 364 habitantes.

Xeografía

Está bañada polos ríos Barcala, Pequeno e Corzán.

Patrimonio

A igrexa de San Vicenzo foi construída entre finais do século XVIII e comezos do XX. Os muros laterais foron construídos por tramos, e a fachada ten un gran frontón recto. O templo é de nave única, cunha gran bóveda de canón corrida e unha bóveda de arestas no presbiterio. A carón da igrexa está o hórreo de San Vicenzo.

No lugar de Camiño Real foi construída a mediados do século XX unha escola, financiada pola Sociedad Barcalesa de Barcala (Cuba).

Na parroquia hai tradición de cestería artesá, que se vendía nos mercados de Negreira, Noia e Santa Comba.

Festas

As festas parroquiais teñen lugar o 22 de xaneiro. Celébrase tamén o Corpus Christi e a festa do Carme o 16 de xullo.

Véxase tamén

Outros artigos

• Lugares de Negreira