Edmonton

Edmonton: panorámica do centro urbano

Localización de Edmonton

Edmonton (712.391 habitantes) é a capital da provincia canadense de Alberta. Sitúase na parte centro septentrionale da provincia, nunha zona que conta con parte das terras agrícolas máis fértiles das pradeiras canadenses. Despois de Calgary, é a segunda cidade de Alberta. A súa área metropolitana, cunha poboación estimada en 2005 en 1 016 000 habitantes, é a sexta do Canadá.

Cunha superficie de preto 684 km², superior á que corresponde a Chicago, Philadelphia e Detroit, Edmonton é unha das máis extensas cidades de América do Norte. Doutra banda, sempre considerando as metrópoles de Norteamérica, Edmonton ten unha das densidades poboacionais máis baixas.

Economía

Tradicionalmente a economía de Edmonton baséase na industria do petróleo (nos anos 40 gañou apelativo de "Oil Capital of Canada"), mais nos últimos anos deesnvolvéronse outros sectores, de xeito que se considera na actualidade que a cidade ten a segunda economía máis diversificada do Canadá. Son particularmente activas as empresas de alta tecnoloxía como Telus, Dell, Intuit, Matrikon, BioWare e General Electric. De feito que goza da taxa local de crecemento máis alta do país: o 6,2 %.