Nutriente

Os nutrientes (do latín nutriens, -entis, participio do verbo nutrire ‘alimentar’) son as substancias químicas que forman os alimentos que permiten ao noso organismo diversas función esenciais para a vida, obter enerxía a través deles (función enerxética), formar e manter as estruturas corporais (función estrutural) e regular os procesos metabólicos (función metabólica). Principalmente divídense en dous grupos, dependendo da cantidade deles que necesite o organismo en cuestión, micronutrientes e macronutrientes.

Clasificación

Enerxéticos

• HC (hidratos de carbono, tamén coñecidos como azucres).
• Graxas ou lípidos.
• Proteínas.

Non enerxéticos

• Minerais.
• Vitaminas.
• Fibra alimentaria.

Funcións xenéricas dos nutrientes

• Hidratos de carbono: función enerxética.
• Lípidos: función enerxética e función estrutural ou plástica.
• Proteínas: función enerxética, función estrutural ou plástica e regulador metabólico.
• Minerais: función plástica e de regulador metabólico.
• Vitaminas: función de regulador metabólico.