Eloy Luís André

Eloy Luís André

Biografía
Nacemento	19 de xullo de 1876 Mourazos, España
Morte	24 de maio de 1935 (58 anos) Madrid, España
Causa da morte	Morte natural  (Cancro )
Datos persoais
País de nacionalidade	España
Educación	Universidade de Salamanca Universidade de París
Actividade
Ocupación	psicólogo , escritor , profesor de ensino secundario , filósofo , autor
Alumnos	Rafael Lapesa
Lingua	Lingua castelá
Sinatura

Eloy Luís André, nado en Mourazos (Verín) o 19 de xullo de 1876 e finado en Madrid o 24 de maio de 1935, foi un filósofo, psicólogo e docente galego, cuxa obra orixinal máis destacada se centra en problemas de mentalidade colectiva e no desenvolvemento do sistema educativo.

Traxectoria

Fillo do médico Ángel Luis Barreira e de Purificación André, quedou orfo de pai cun ano de idade. A nai casou en segundas nupcias cun notario de Ponteareas. Fixo os seus estudos no Colexio dos Padres Escolapios de Celanova e no Instituto de Ourense, recibindo clases de Juan Sieiro González. Comezou o ciclo universitario en Santiago de Compostela, trasladándose logo para a Universidade de Salamanca, onde os rematou. Alí iniciou o seu trato con Miguel de Unamuno. Pasou a Madrid, á Universidade Central, para efectuar a doutoramento, e estabelecendo contactos con Francisco Giner de los Ríos.

Volveu de novo a Salamanca para especializarse en Filosofía Superior, e desde alí trasladouse ás universidades europeas de Leuven, Bruxelas e París en 1899 - 1900, para ampliar estudos. Cando regresou a España intentou acceder a unha cátedra universitaria, mais ante a imposibilidade de lograr algunha, decidiu preparar oposicións a cátedra de bacharelato, obtendo en 1904 a de Psicoloxía, Lóxica, Ética e Rudimentos de Dereito do instituto de Soria, desde a cal se trasladou para o Instituto de Ourense.

En 1909, a Junta para Ampliación de Estudios e Investigaciones Científicas concedeulle unha bolsa de estudos, que utilizou para trasladarse á Universidade de Leipzig, onde foi discípulo de Wilhelm Wundt, sob cuxa dirección preparou un traballo de psicoloxía experimental. Posteriormente trasladouse á Universidade de Jena, onde foi discípulo de Rudolf Christoph Eucken. André mantería, posteriormente, relacións profesionais de amizade e profesionais con ambos filósofos alemáns.

Ética individual y social,
2ª ed. (PDF), 1920.

Volveu a España a fins de 1910 para tentar de novo acceder a algunha cátedra universitaria. Porén a concesión dunha nova bolsa pola Junta de Ampliación de Estudios fixo que retornase novamente a Leipzig. Ao regresar para España, retomou o seu posto en Ourense en 1912, onde creou un laboratorio de psicoloxía experimental. Dous anos despois, pasou ao instituto de Toledo. Neses anos interesouse polos movementos galeguistas, pero nunca tivo unha militancia activa. En 1918 opositou para o instituto madrileño Cardenal Cisneros, logrando por fin residir en Madrid, que era o que desexaba desde había anos.

Obra

Ao longo da súa vida Eloy Luís André publicou unha obra que se pode cualificar de extensa. As súas publicacións atenden a varias vertentes básicas: os manuais de ensino, as publicacións de psicoloxía, os problemas educativos e os libros de creación filosófica propia, destacando neste sentidos os seus ensaios sobre mentalidade colectiva, talvez influído polo interese de Wundt na psicoloxía dos pobos. Outra faceta de André levouno a escribir artigos de economía, espallados en revistas e xornais.

Listaxe de publicacións

Galleguismo. Lucha por la personalidad nacional y la cultura.

• El histrionismo español. Barcelona. 1906.
• Ética española, problemas de moral contemporánea. Madrid. 1910.
• La mentalidad alemána. Madrid. 1914.
• La cultura alemana. Madrid, 1916.
• La educación de la adolescencia. Madrid. 1916.
• Dos idearios y dos democracias. Madrid. 1919.
• Sistema de Filosofía de los Valores. Toledo. 1919.
• Elementos de Psicología. Madrid. 1920.
• Ética individual y social. Madrid. 1920.
• Elementos de educación cívica, jurídica y económica. Madrid. 1921.
• Sistema de Filosofía de los Valores. T. I. La Ética. Madrid. 1923.
• Nociones de psicología experimental. Madrid. 1924.
• Resumen de educación cívica, jurídica y económica. Madrid. 1924.
• Sistema de Filosofía de los Valores. T. II. Lógica. Morfología mental. Madrid. 1925.
• Ética española. Problemas de Moral contemporánea. Madrid. 1910 (2ª ed. 1925).
• Programa de Psicología y Lógica. Madrid. 1925.
• El ferrocarril del Príncipe de Asturias. Madrid. 1926.
• Deontología. Breviario de Moral Práctica. Madrid. 1926.
• El espíritu nuevo en la educación española. Madrid. 1926.
• Rudimentos de Derecho español. Madrid. 1929.
• Ideario político de Espinosa. Análisis, comentario y crítica del ‘Tratado Teológico Político’. Madrid. 1930.
• Psicología experimental. Madrid. 1931.
• Programa de deberes éticos y cívicos. Madrid. 1931.
• Españolismo: prasologio: pueblo y conciencia nacional. Madrid. 1931.
• Galleguismo. Lucha por la personalidad nacional y la cultura. Ensaios. Madrid. 1931.

Traducións

Placa dunha rúa de Vilardevós.

André fixo ademais varias traducións, desde o alemán e o francés:

• Léxico de filosofía, de Alejo Bertrand, 1908.
• Filósofos contemporáneos, de Harald Høffding, 1909.
• Introducción a la Filosofía I e II, de Guillermo Wundt, 1911 e 1912.
• La vida. Su valor y significación, de Rodolfo Eucken, 1912.
• Sistema de Filosofía Científica, 2 tomos, de Guillermo Wundt, 1913.

Outros aspectos

O escritor galego Silvio Santiago, realizou un breve retrato humano dun André xa entrado en anos, no seu libro Vilardevós (1961, Galaxia).

Galería de imaxes

• 
  El histrionismo español.
• 
  Léxico de filosofía.
• 
  Ética española.
• 
  Introducción a la Filosofía I.
• 
  La mentalidad alemana.
• 
  La cultura alemana.
• 
  La educación de la adolescencia.
• 
  Nociones de psicología experimental.
• 
  Lógica. Morfología mental.
• 
  El ferrocarril del Príncipe de Asturias.
• 
  El espíritu nuevo en la educación española.
• 
  Rudimentos de derecho español.
• 
  Españolismo. Prasologio.
• 
  Necrolóxica, maio de 1935.

Véxase tamén

Bibliografía

• Camoira Vega, César (ed.) (2004): Eloy Luis André. Poesía galega. Santiago de Compostela, CRPIH. ISBN 978-84-453-5131-4.
• Carpintero Capell, Heliodoro (1994). Historia de la psicología en España, Madrid, Eudema Universidad. ISBN 84-7754-185-X
• Castro; Castro y Sánchez (1993). "Una aproximación biográfica a la figura de Eloy Luis André (1876-1935) desde la historia de la Psicología", Rev. Hist. Psicología, v. 14, nº 3-4.
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. p. 347. 
• López Vázquez, Ramón (2002). Eloy Luis André. Baía Pensamento. A Coruña: Baía Edicións. ISBN 978-84-89803-90-9. 
• Santiago Pérez, M. J. de, Dosil Maceira, Agustín: "Juan Vicente Viqueira e Eloy Luís André: dous psicólogos galegos de principios de século", en EDUGA, nº 14, febreiro 1997.
• "Eloy Anselmo Luis y André". Enciclopedia Universal Ilustrada Europeo-Americana. Espasa-Calpe. 1932. apéndice. tomo 6. pp. 1322-1323 (en castelán).
• "Luis André, Eloi". Diccionario enciclopédico galego universal 39. La Voz de Galicia. 2003-2004. p. 62. ISBN 84-7680-429-6. 
• "Luis André, Eloi". Dicionario biográfico de Galicia 2. Ir Indo Edicións. 2010-2011. p. 264. 
• "Luis André, Eloy". Diciopedia do século 21 2. Do Cumio, Galaxia e do Castro. 2006. p. 1260. ISBN 978-84-8288-942-9. 
• "Luis André, Eloi". Enciclopedia Galega Universal 11. Ir Indo. 1999-2002. p. 295. ISBN 84-7680-288-9. 
• "Luis André, Eloy". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

Outros artigos

• Xeración do 98

Ligazóns externas

• Bueno Sánchez, Gustavo (2009). "Eloy Luis André 1876-1935". Proyecto Filosofía en español (en castelán). Fundación Gustavo Bueno. 
• Costa Rico, A. (2013). "Eloy Luis André" no Álbum de Galicia, no Álbum da Ciencia e no Álbum da JAE do Consello da Cultura Galega.