María Ramallo

María Ramallo

María Ramallo con José Ramón Lete, secretario xeral para o Deporte da Xunta, asinando un acordo.
Biografía
Nacemento	12 de agosto de 1970 (53 anos) Marín, España
Deputada de España
Representa: Partido Popular 3 de decembro de 2019 – 31 de xaneiro de 2021 – Juan Constenla Carbón → Lexislatura: XIV lexislatura do Congreso de España Circunscrición electoral: Pontevedra Electo en: eleccións ao Congreso de España de novembro de 2019
Alcaldesa de Marín
2011 –
Deputada de España
21 de abril de 2009 – 20 de xuño de 2011 ← Xavier Guerra – Jesús Otero Varela → Lexislatura: IX lexislatura de España Circunscrición electoral: Pontevedra Electo en: Eleccións Xerais 2008 en España
Deputada do Parlamento de Galicia
Datos persoais
País de nacionalidade	España
Educación	Universidade Complutense de Madrid
Actividade
Lugar de traballo	Marín Madrid
Ocupación	política
Lingua	Lingua castelá

María Pilar Ramallo Vázquez, nada o 12 de agosto de 1970 en Marín, é unha política galega, dende maio de 2011 alcaldesa electa de Marín.

Traxectoria

Licenciada en Dereito pola Universidade Complutense de Madrid, ingresou no Partido Popular, formación coa que optou como concelleira ás eleccións locais de 1995 polo concello de Marín. Foi elixida concelleira e designada para a área de Facenda. En 1999 non repite como concelleira e comeza a traballar na Delegación do Goberno en Galicia primeiro, e logo na Xunta de Galicia como asesora xurídica, sempre contratada por administracións do Partido Popular.

Papeleta do PP nas Eleccións xerais de España de novembro de 2019.

Nas eleccións locais de 2003 saíu elixida de novo concelleira e pasou a ocupar o posto de asistente do voceiro popular e posteriormente voceira ela mesma na oposición. En 2008 concorreu nas listas do PP ás eleccións xerais e saíu escollida deputada pola provincia de Pontevedra. En 2009 concorreu nas listas do PP ás eleccións galegas onde sae escollida deputada.

O presidente Alberto Núñez Feijóo nomeouna presidenta da Autoridade Portuaria de Marín, e dous anos máis tarde preséntase á cabeza da lista do Partido Popular ás eleccións municipais en Marín, onde obtén a maioría absoluta dos concelleiros, bordeando a metade dos votos emitidos (49,8%) e conseguindo uns resultados históricos para o PP nese concello.

Nas Eleccións xerais de España de novembro de 2019 foi de cabeza de lista do PP pola Provincia de Pontevedra.

Véxase tamén

Outros artigos

• Eleccións municipais en Marín

Ligazóns externas

• Ficha no Congreso dos Deputados

Predecesor: Francisco Andrés Veiga Soto

Alcaldesa de Marín  2011 - actualidade

Sucesor: no cargo