Wikipedia:Aprendendo WikiData Setembro 2019

Logo do Wikidata.

En setembro de 2019 está prevista a organización dun encontro presencial de Wikipedistas de Galicia para aprendermos a manexar Wikidata. Este obradoiro será continuación doutro similar que houbo en Santiago de Compostela.

A idea é traballar sobre dúbidas concretas que leven as persoas asistentes. Dúas das persoas asistentes van ir en outubro á WikidataCon 2019 (Berlín, 25 e 26 de outubro), polo que no caso de que xurdan problemas que non saibamos solucionar no momento, poderán ser consultados en dito evento.

Cando e onde

A idea é facela en Lalín na aula CeMIT do Auditorio o 28 de setembro.

Que imos facer?

As propostas que se listan a continuación son orientativas, xa que o obradoiro buscará adaptarse ás necesidades das persoas participantes:

• Etiquetas, descricións e propiedades. Que son, como se modifican e como se traducen ao galego
• Como ligar os datos de Wikipedia e Wikidata
• Que afirmacións leva un elemento relacionado cunha persoa
• Referencias en Wikidata
• Cualificadores de propiedade: que son e como se usan aplicados ás biografías de persoas
• Xestión de erros: duplicados e fusións
• Como facer unha consulta básica no servizo SPARQL
• Como facer unha lista en Wikipedia que tome datos de Wikidata usando o modelo Wikidata list
• Propiedades asociadas a entidades xeográficas
• Propiedades asociadas a obras literarias
• Como facer cambios semiautomáticos en bloque usando táboas
• Como se está a facer a integración entre Commons e Wikidata. Exemplo práctico de como editar Structured Commons en galego

Quen se anima?

1. Estevo(aei)^{pa o que queiras...} 17 de xullo de 2019 ás 21:31 (UTC)
2. Maria zaos (conversa) 17 de xullo de 2019 ás 22:35 (UTC)
3. Elisardojm (conversa) 18 de xullo de 2019 ás 10:03 (UTC) (en principio si)

Véxase tamén

Outras páxinas

• Axuda:Control de autoridades
• Wikipedia:Aprendendo WikiData Febreiro 2018