Doc Rivers

Doc Rivers
Doc Rivers en outubro de 2007
Posición	Base
Dorsal	25
Altura	1,93 m (6 ft 4 in)
Peso oficial	84 kg (185 lb)
Nacemento	13 de outubro de 1961 (62 anos) Chicago, Illinois
Carreira
Universidade	Marquette
NBA Draft	1983 / Rolda: 2 / Elección: 31 Por Atlanta Hawks
Tempadas	1983–1996
Equipo(s)
Atlanta Hawks (1983–1991) Los Angeles Clippers (1991–1992) New York Knicks (1992–1994) San Antonio Spurs (1994–1996)
Estatísticas (NBA)
Puntos	9 377
Rebotes	2 625
Asistencias	4 889
Stats @ Basketball-Reference.com
Premios
1× Campión NBA (2008) (adestrador) 1× All-Star Game (1988) 1× Adestrador do Ano (2000)
Adestrador
Orlando Magic (1999-2003) Boston Celtics (2004-2013) Los Angeles Clippers (2013-presente)

Glenn Anton "Doc" Rivers, nado o 13 de outubro de 1961 en Chicago, Illinois, é un ex xogador profesional de baloncesto estadounidense e actual adestrador de Los Angeles Clippers. Debutou como tal na NBA dirixindo a Orlando Magic en 1999. Na súa primeira tempada, levou o premio ao mellor adestrador do ano.

Traxectoria deportiva

Universidade

Entre 1980 e 1983 xogou cos Warriors da Universidade de Marquette, nos cales fixo 13,9 puntos, 4,6 asistencias e 3,3 rebotes por partido.

Profesional

Foi elixido en sétima posición (31 en total) da segunda rolda do Draft da NBA de 1983 por Atlanta Hawks. Xogou 8 tempadas no equipo, onde rapidamente se fixo co posto de titular. O seu mellor ano foi en 1987, cando acabou a tempada facendo 12,8 puntos e 10 asistencias, cuarto neste apartado de toda a NBA. Tras un breve paso por Los Angeles Clippers, fichou por New York Knicks en 1992, onde, tras unha primeira tempada discreta, perdeuse case por completo a segunda por mor das lesións. A mediados da tempada seguinte foi traspasado a San Antonio Spurs, onde completou, moi por baixo do seu nivel, esta e outra máis, para retirarse en 1996.

Adestrador

En 1999 faise cargo do equipo dos Orlando Magic, onde, tras acabar cunha porcentaxe de vitorias do 50% é nomeado Adestrador do Ano. Alí permanece até o inicio da tempada 2003-2004, onde, tras un mal inicio, con 1 partido gañado e 10 perdidos, é destituído.

En 2004 é fichado por Boston Celtics, posto que ostenta na actualidade. Na tempada 2007/2008 gañaría o anel da NBA co seu equipo, os Boston Celtics, derrotando na final por 4-2 a Los Angeles Lakers.

Equipos

• Orlando Magic (1999-2003)
• Boston Celtics (2004-2013)
• Los Angeles Clippers (dende 2013)

Logros persoais

• Como xogador.
  • Elixido para o All-Star Game da NBA en 1988.
• Como adestrador.
  • Adestrador do Ano en 2000.
  • Adestrador da Conferencia Leste para o All-Star Game da NBA en 2008.

Véxase tamén

Ligazóns externas

• Perfil de Doc Rivers como adestrador
• Estatísticas da súa carreira como xogador
• Estatísticas da súa carreira como adestrador