Manuel Gómez del Valle

Manuel Gómez del Valle

Biografía
Nacemento	1906 A Habana, Cuba
Morte	11 de agosto de 1936 (29/30 anos) Ourense, España
Datos persoais
País de nacionalidade	España
Actividade
Ocupación	poeta
Xénero artístico	Poesía
Lingua	Lingua castelá
Familia
Nai	María del Valle Lozano

Manuel Gómez del Valle, nado na Habana en 1906 e finado en Ourense o 11 de agosto de 1936, foi un xornalista, poeta e profesor galego.

Traxectoria

Fillo de emigrantes galegos en Cuba, estableceuse en Ourense en 1918 onde estudou o bacharelato. Foi profesor en Amoeiro e Vilamarín. Cando se produciu a sublevación do 18 de xullo de 1936, xunto ao socialista Fernando Cordón García, funcionario de aduanas en Verín, trasladáronse á Gudiña para unirse a quen estivera disposto a facer fronte á sublevación militar. Foron detidos en Xinzo de Limia pola Garda Civil o 21 de xullo e trasladados a Ourense.

Foi sometido a un consello de guerra sumarísimo que o condenou á pena de morte, sendo executado o 11 de agosto no Campamento de San Francisco de Ourense, a pesar das peticións de indulto do daquela sacerdote Fernando Quiroga Palacios, máis tarde cardeal, que asistiu ao fusilamento. A súa nai, María del Valle Lozano, foi detida por ter pedido a conmutación da pena capital, internada no cárcere de Celanova e asasinada en Xinzo de Limia. O seu irmán, Ricardo Gómez del Valle, foi obrigado a participar na guerra como soldado do bando franquista, sendo asasinado cara o final da mesma, trala toma de Valencia, por un falanxista.

A súa obra está dispersa en distintas publicacións. En prosa na revista Escuela del Trabajo ("Krupp 42"), a poesía (Rebeldía, Poema, Manifiesto pastoril a los niños pobres del campo etc) en Heraldo de Galicia, Cristal e Vieiros.

Recoñecementos

• Antón Tovar dedicou o conto “A grande ilusión" a Manuel Gómez del Valle e á súa nai María.

Véxase tamén

Bibliografía

• Hermida García, Modesto (1987). Do Castro, ed. As revistas literarias en Galicia na Segunda República. Sada. p. 107. ISBN 8474923301. 
• Alonso Girgado, Luís. Cristal. pp. 80–81. 
• Alonso Montero, Xesús (1999). "Manuel Gómez del Valle, poeta, comunista e mártir (1906-1936)". Madrygal. Revista de Estudios Gallegos 2: 21–29. Consultado o 2 de xuño de 2013. 

Ligazóns externas

• Manuel Gómez del Valle na páxina web Nomes e Voces.

• Buscarán a las mártires de Xinzo de Limia, asesinadas en 1937: María del Valle Lozano y Salud Torres Díaz