Cemiterio de Montjuïc

Camposanto de Montjuïc

O cemiterio de Montjuïc (en catalán: Cementiri de Montjuïc) é o maior do termo municipal de Barcelona, e ocupa a práctica totalidade da ladeira sur da montaña de Montjuïc. Ten unha superficie duns 567 934 metros cadrados e unhas 152 774 sepulturas. Abrangue practicamente toda a parte sur da montaña. Xa durante a Idade Media, na montaña había un cemiterio exclusivo para xudeus.

Historia

Vista desde o cimo

O camposanto foi inaugurado en marzo de 1883. Esta obra foi posible debido á expansión demográfica unida á forza económica da burguesía barcelonesa. Este grande espazo viu suplir o problema que se suscitaba na cidade coa falta do mesmo nos pequenos camposantos de barrio repartidos pola cidade, que por unha parte xa non podían crecer debido á presión urbanística dos seus arredores, e que ademais agotaran xa a súa capacidade de inhumación. Camposantos históricos como os de Poblenou, Horta, Sant Gervasi, Les Corts, Sant Andreu, foran quedándose pequenos para a cidade, e Montjuïc era a solución momentánea a este problema. Posteriormente pasaría o mesmo co novo camposanto, pois a cidade seguía crecendo demograficamente e o espazo libre íase acabando. Houbo que abrir un novo camposanto fóra do termo municipal de Barcelona, que tivese un uso como camposanto metropolitano. Así naceu o Camposanto de Collserola, no termo de Cerdanyola del Vallès.

Hai unha placa conmemorativa facendo referencia ó día 17 de marzo de 1883, cando foi bendicido o recinto católico. Do deseño do camposanto encargouse o arquitecto municipal Leandre Albareda. O eclecticismo é o trazo arquitectónico máis característico neste camposanto: un eclecticismo mimético, por unha parte, combinado co carácter innovador que dará paso ó modernismo.

Personaxes ilustres

• Àngel Guimerà (1845-1924), escritor
• Santiago Rusiñol (1861-1931), pintor e escritor
• Isaac Albéniz (1860-1909), músico
• Joan Miró (1893-1983), pintor
• Ramon Casas (1866-1932), pintor
• Frederic Mompou (1893-1987), músico
• Apel.les Mestres (1854-1936), escritor, debuxante e músico
• Joan Salvat Papasseit (1894-1924), escritor
• Josep Maria de Sagarra (1894-1961), escritor
• Josep Carner (1884-1970), escritor
• Montserrat Roig (1946-1991), escritora
• Ricardo Zamora (1901-1978), futbolista
• Joaquín Blume (1933-1959), ximnasta
• Ildefons Cerdà (1815.1876), arquitecto e urbanista
• Salvador Puig Antich (1948-1974), mozo anarquista asasinado pola ditadura franquista.
• Buenaventura Durruti (1896-1936), anarcosindicalista
• Ángel Pestaña (1886-1937), anarcosindicalista
• Lluís Companys (1882-1940), Presidente da Generalitat de Cataluña asasinado pola ditadura franquista.
• Francesc Macià (1859-1933), Presidente da Generalitat de Cataluña
• Francesc Cambó (1876-1947), político
• Enric Prat de la Riba (1870-1917), político
• Josep Maria de Porcioles (1904-1993), alcalde de Barcelona
• Francesc Ferrer i Guàrdia (1859-1909), pedagogo
• Francisco Ascaso (1901-1936), anarcosindicalista
• Salvador Seguí (1887-1923), anarcosindicalista

Véxase tamén

Bibliografía

• Mapa-Guía dels personatges il·lustres del Cementiri de Montjuïc. Ed. Institut Municipal dels Serveis Funeraris DL (Ajuntament de Barcelona), 2006.
• Jaume Nolla i Margarita Puig. Morts il·lustres als cementiris de Barcelona: tot el que cal saber dels que ens han precedit, Ed. Angle, 2007, ISBN 978-84-96970-14-4
• Neus Aguado. Guia del Cementiri de Montjuïc, Ed. Institut Municipal dels Serveis Funeraris DL (Ajuntament de Barcelona), 1993.

Ligazóns externas

• Persoas inhumadas no Cemiterio de Montjuïc segundo Wikidata.