Padriñán, Sanxenxo

Para outras páxinas con títulos homónimos véxase: Padriñán.

Padriñán
Nova igrexa de Padriñán.
Concello	Sanxenxo
Coordenadas	42°24′21″N 8°48′31″O
Área	5,3 km²
Poboación	3.732 hab. (2016)
Densidade	704,15 hab./km²
Entidades de poboación	13
[ editar datos en Wikidata ]

San Xenxo de Padriñán é unha parroquia que se localiza no concello de Sanxenxo. Segundo o IGE, en 2016 tiña 3.732 habitantes (1.894 mulleres e 1.838 homes), o que supón manter a mesma poboación que tiña en 2009, cando tiña 3.731 habitantes, e un aumento respecto a anos anteriores, como no 2000, cando tiña 3.241 habitantes.

Xeografía

Limita ó norte coa parroquia de Nantes, ó oeste coa de Adina, ó este coa de Bordóns e ó sur coa ría de Pontevedra. A parroquia ten unha superficie de 5,3 km², distribuída en 13 entidades de poboación.

A capital municipal, Sanxenxo, localízase nesta parroquia.

Patrimonio

A igresa de San Xes de Padriñán é de estilo gótico mariñeiro, do século XV, como corresponde coa longa serie de igrexas que as ordes mendicante ergueron ó longo da costa durante os séculos XIV a XVI

Consta dunha soa nave de planta rectangular, e ábsida, máis estreita que a nave, dunha soa capela. A capela é rectangular, con arco apuntado na entrada e bóveda de cruzaría estrelada. A fachada principa, occidental, foi modificada nalgún momento, e presenta sobre a porta a imaxe da Virxe do Carme co Meniño no colo. Máis arriba, un pequeno rosetón.

En 1965 comezou a construírse o chamado Templo Novo, cuxas obras remataron en 1976, e que hoxe funciona como igrexa parroquial. É a igresa máis moderna e de maior capacidade do municipio e o seu arquitecto foi Joaquín Robles Echenique.

Está construído en pedra, co tellado de lousa. Ten planta hexagonal e cuberta escalonada, coa particularidade de que en cada nivel os hexágonos xiran respecto ó anterior. No interior da igrexa destaca a gran cruz do altar maior.

Galería de imaxes

Artigo principal: Galería de imaxes de Padriñán, Sanxenxo.

• 
  Praia de Silgar.
• 
  Igrexa de San Xenxo de Padriñán.

Véxase tamén

Ligazóns externas

• Páxina web do concello de Sanxenxo (en castelán)
• Igrexa de San Xes de Padriñán (en castelán)
• Igrexa parroquial de Sanxenxo ou Templo Novo (en castelán)

Outros artigos

• Lugares de Sanxenxo