Mercedes Peón

Modelo:Artista musical Mercedes Peón, nada en Oza dos Ríos en 1967, é unha música, cantante e instrumentista galega.

Traxectoria

Aos 13 anos escoitou as pandeireteiras da Costa da Morte, o que a impulsou con 17 anos a percorrer as aldeas e vilas de Galicia, entre elas a aldea dos seus avós maternos en Oza dos Ríos, recollendo a música e tradicións do pobo galego para gardaras e transmitilas ás novas xeracións. Formou parte do grupo folclórico Xacarandaina. Ao longo de 17 anos da súa vida dedicouse á ensinanza da música e o baile tradicionais de Galicia, transmitindo todo este coñecemento a través da docencia nas escolas municipais, na Televisión de Galicia e nas Universidades da Sorbona, Oporto, Gales, etc.

Acadou sona como presentadora dunha sección no programa de entretemento Luar da TVG no que traballou mostrando as súas investigacións de máis de 10 anos percorrendo as aldeas galegas na busca da tradición oral e as músicas máis ancestrais.

Primeiras gravacións

As súas primeiras gravacións foron colaboración con outros artistas galegos como Xosé Manuel Budiño, Os Diplomáticos de Monte-Alto, Alasdir Fraser, Carlos Núñez, Kepa Junkera ou co antigo grupo de Manu Chao, Mano Negra.

Nesta altura formou o grupo Ajrú, co que unicamente gravaría uns temas recollidos no compilatorio Naciones Celtas II. Probablemente o seu tema máis popular sexa o tema principal da serie Mareas vivas (TVG).

No 2000 deu vida a Isué, no cal dá a súa interpretación persoal aos temas que gardara durante anos na súa gravadora. A innovación é tan sorprendente que as recompensas choven dentro e fóra do país (podemos citar que Isué foi considerado o mellor disco por la revista Folkworld e unha nominación á Mellor Artista do Ano na BBC Radio 3). Tamén producíuse un cambio no seu look, pois decide raparse ao cero e desfacerse da súa lexendaria melena (que chegáballe ata a cintura).

Mercedes Peón participou en dúas edicións do Festival de Ortigueira, nos anos 2002 e 2007, así coma na edición do festival Womex de 2010 en Copenhague.

Discografía

*	Isué	(2000)
*	Ajrú	(2003)
*	Sihá	(2007)
*	Sós	(2010)
*	Déixaas	(2018)

Galardóns e nomeamentos

É unha das artistas galegas máis destacadas dos primeiros anos do século XXI. Ten recibido recoñecementos a nivel internacional no ámbito da música de folk, como son o premio a mellor disco da revista Folkworld (2000) polo disco Isué. Foi finalista na categoría de mellor artista do ano (2000) nos premios da radio BBC3.

Foi Premio Nacional de Música en 2008.

Premios Mestre Mateo

Ano	Categoría	Produción	Resultado
2002	Mellor banda sonora	Mareas vivas	Nomeada

Véxase tamén

Ligazóns externas

• Páxina oficial
• Entrevista de Montse Dopico en Praza Pública