Barbara Cartland

Barbara Cartland

Nome orixinal	(en) Mary Barbara Hamilton Cartland McCorquodale
Biografía
Nacemento	(en) Mary Barbara Hamilton Cartland 9 de xullo de 1901 Edgbaston, Reino Unido (en)
Morte	21 de maio de 2000 (98 anos) Hatfield, Reino Unido (pt)
Lugar de sepultura	Hertfordshire
Datos persoais
País de nacionalidade	Reino Unido
Educación	Malvern St James (en) The Alice Ottley School (en)
Actividade
Campo de traballo	Escrita creativa e profesional e literature for women (en)
Ocupación	novelista , escritora , aviadora , política
Período de actividade	1916 - 2000
Partido político	Partido Conservador
Xénero artístico	Novela romántica
Influencias	Elinor Glyn (pt)
Pseudónimo literario	Barbara Cartland Barbara McCorquodale Marcus Belfry
Lingua	Lingua inglesa
Obra
Obras destacables (2003) Le choix de l'amour (en)
Familia
Cónxuxe	Hugh McCorquodale (en) (1936–) Alexander McCorquodale (en) (1927–1933), divorcio
Fillos	Raine Spencer, Ian Hamilton McCorquodale (en) , Glen McCorquodale (en)
Pais	James Bertram Falkner Cartland (en)   e Mary Hamilton Scobell (pt)
Irmáns	Ronald Cartland (pt) e James Anthony Cartland (en)
Premios (1991)  Dama comandante da Orde do Imperio británico
Páxina web	barbaracartland.com

Dame Mary Barbara Hamilton Cartland, DBE, nada en Kings Norton (Lancaster) o 9 de xullo de 1901 e finada en Hatfield (Hertfordshire) o 21 de maio de 2000, foi unha das escritoras inglesas de máis éxito, que escribiu 723 novelas románticas. Era unha celebridade que aparecía con frecuencia en eventos televisivos, vestida de cor rosa e falando do amor, a saúde e os problemas sociais.

Traxectoria

Barbara Cartland na súa mocidade.

Barbara Cartland en 2000 xunto ao reporteiro Randy Bryan Bigham.

Barbara naceu en Kings Norton, Lancaster, Inglaterra e criouse en Edgbaston, Birmingham, como única filla dun oficial da armada británica, o maior Bertram Cartland, e da súa esposa Mary (Polly) Hamilton Scobell. A súa familia era de clase media. O seu avó, James Cartland, suicidouse.

O seu pai morreu nunha batalla en Flandes durante a primeira guerra mundial. A súa enérxica nai abriu unha tenda de roupa para manter a Barbara e os seus dous irmáns, Anthony e Ronald, ambos mortos en batalla en 1940, durante a segunda guerra mundial.

Barbara foi educada en Malvern Girl's College e en Abbey House, unha institución educativa de Hampshire. Despois foi xornalista de sociedade e escritora de ficción romántica. Cartland admitiu que a inspirou moito Elinor Glyn, una autora eduardiana, á que idolatrou e chegou a coñecer.

Novelas

Traballando como columnista para o London Daily Express, Cartland publicou a súa primeira novela Jigsaw (1925), que foi un éxito de vendas. Comezou a escribir pezas picantes, como Blood Money (1926). Nos anos 20 xa era coñecida na sociedade londiniense, pola súa beleza, enerxía e festas, ademais de pola súa elegancia. Facíalle os vestidos Sir Norman Hartnell, que fixo logo vestidos á raíña Isabel II.

O Libro Guinness dos Récords recoñeceuna como a autora con máis novelas publicadas en 1976. En 1983, Barbara Cartland entrou no Who's Who británico. As súas 723 novelas traducíronse a máis de 36 linguas, e Cartland declarou que escribía un libro cada dúas semanas.

En 1991, a raíña Isabel II condecorouna como Dama Comendadora da Orde do Imperio Británico en honra aos 70 anos de contribución literaria, política e social da autora.

Converteuse nunha estrela mediática nos anos 90, presentándose en televisión cos seus vestidos rosas e chapeus de plumas, falando do amor, o matrimonio, a política, a relixión, a saúde e a moda. Era publicamente contraria á eliminación da oración nas escolas estatais e criticaba a infidelidade e o divorcio, así como o sexo antes do matrimonio.

Matrimonios e relacións

Segundo o obituario do The Daily Telegraph o 22 de maio de 2000, Cartland estivo prometida cun oficial, rompendo o compromiso. Estivo casada, entre 1927 e 1932, con Alexander George MacCorquodale (falecido en 1964), un oficial da armada e herdeiro dunha fortuna. A súa filla, Raine MacCorquodale (nada en 1929), casou con Lord Edward Spencer, pai de Diana Spencer. Despois dun escandaloso divorcio, en 1936 Barbara casou co primo do seu ex-marido, Hugh MacCorquodale, un ex-oficial militar (falecido en 1963). Tiveron dous fillos, Ian e Glen.

Barbara tivo una longa amizade con Louis Mountbatten, primeiro conde Mountbatten de Birmania (tío do príncipe Filipe, Duque de Edimburgo), cuxa morte en 1979 foi para Barbara "a maior tristeza da súa vida". Mountbatten acompañou a Cartland en varios traballos de institucións de caridade e mesmo axudou a Cartland a escribir Love at the Helm, que ten carácter naval e histórico. O Mountbatten Memorial Trust, establecido polo sobriño-neto de Mountbatten, o príncipe Carlos de Gales tralo asasinato do comandante en Irlanda, foi o receptor do diñeiro obtido en vendas do seu libro na súa exhibición de 1980.

Cartland criticou o divorcio da falecida Diana Spencer, filla do seu xenro, o que causou un distanciamento entre ambas, reconciliándose pouco tempo antes do accidente automobilístico fatal que matou a Diana en 1997.

Influencia política

Despois da morte do seu irmán Ronald, un popular membro do parlamento durante a segunda guerra mundial, publicou a biografía del cun prefacio do primeiro ministro Sir Winston Churchill. A guerra marcou o inicio dunha vida dedicada ao benestar civil e político para Cartland, que serviu en Oficio de Guerra. En 1953 foi nomeada comendadora da Venerable Orde de San Xoán polos seus servizos.

En 1955, Cartland foi nomeada conselleira do Consello Municipal de Hertfordshire como membro do Partido Conservador do Reino Unido, cargo que ocupou durante nove anos. Durante este tempo loitou, con bos resultados, por diversos temas sociais.

Barbara morreu aos 98 anos, e o seu corpo, como pedira, foi enterrado na súa propiedade de Hatfield, baixo unha árbore plantada pola raíña Isabel II.

Distincións honoríficas

• Dama Comandante da Orde do Imperio Británico (Reino Unido).
• Comendadora da Venerable Orde de San Xoán (Reino Unido).