Description historique des monnaies frappées sous l'Empire romain: Diferenzas entre revisións
m Arranxos varios |
Axustes nas categorías. |
||
| Liña 45: | Liña 45: | ||
{{control de autoridades}} |
{{control de autoridades}} |
||
| ⚫ | |||
| ⚫ | |||
[[Categoría:Moedas da Roma antiga]] |
[[Categoría:Moedas da Roma antiga]] |
||
| ⚫ | |||
| ⚫ | |||
[[Categoría:Obras literarias en francés]] |
[[Categoría:Obras literarias en francés]] |
||
Revisión como estaba o 8 de outubro de 2018 ás 07:04
{{{1}}} Co título completo de Description historique des monnaies frappées sous l'Empire romain, communément appelées Médailles impériales ("Descrición histórica das moedas cuñadas no Imperio Romano, comunmente chamadas medallas imperiais") publicouse en nove volumes, entre 1859 e 1868, o magnum opus do numismático francés Henry Cohen sobre a moeda romana do período imperial.[1][2][3]
Relevancia no seu contexto
Esta obra, elaborada ao longo dunha década polo bibliotecario e investigador do Gabinete de Medallas da Biblioteca Nacional de Francia, é un catálogo de moedas imperiais romanas inventariadas na súa época, que abrangue desde Pompeio ata Rómulo Augústulo.[4]
Desde o momento da súa publicación converteuse na referencia dos estudos de numismática dese período, durante a fin do século XIX e unha parte do século XX, cando se viu desprazada por unha nova obra magna, en 13 volumes, titulada The Roman Imperial Coinage, publicada entre 1923 e 1994. Esta obra, que abrangue desde a Batalla de Accio (31 a. de C.) ata a Antigüidade tardía (491 d. de C.), aínda tomando como punto de partida a de Cohen, supuxo un avance metodolóxico, xa que, Mentres Cohen clasificara as moedas por emperador, e despois por orde alfabética da lenda, sen indicación ningunha dos obradoiros monetarios, na nova obra, iniciada por Mattingly e Sutherland, se daba para cada emperador unha clasificación cronolóxica das pezas ordenadas por obradoiro monetario e por serie de emisión.[5]
Estrutura da obra e edicións
Edicións
Hai dúas edicións deste catálogo no século XIX. A seguir, indícanse os anos de edición de cada volume e achéganse ligazóns para o acceso en liña a cada un:
- Primeira edición: MM. Rollin & Feuardent. París,1859-1868 (Tomo I: 1859. Tomo II: 1859. Tomo III: 1860. Tomo IV: 1860. Tomo V: 1861. Tomo VI: 1862. Tomo VII: 1868.).
- Segunda edición: MM. Rollin & Feuardent. París, 1880-1892 (Tomo I: 1880. Tomo II: 1882. Tomo III: 1883. Tomo IV: 1884. Tomo V: 1885. Tomo VI: 1886. Tomo VII: 1888. Tomo VIII: 1892 (mais táboa de emperadores).
Estrutura
O catálogo está composto por oito volumes mais unha táboa de emperadores:[6]
- Tomo I: de Pompeio a Domiciano (67 a. de C. - 96 d. de C.).
- Tomo II: de Nerva a Antonino (96-161).
- Tomo III: de Marco Aurelio a Albino (161-197).
- Tomo IV: de Septimio Severo a Máximo (193-238).
- Tomo V: de Gordiano I a Valeriano II (238-268).
- Tomo VI: de Póstumo a Maximiano Herculius (ca. 258-310).
- Tomo VII: de Carausio a Constancio II (ca. 287-361).
- Tomo VIII: de Nepociano a Rómulo Augústulo (ca. 350-475).
- Táboa de emperadores.
Notas
- ↑ "Henry Cohen's Work". En VirtualCohen.com
- ↑ Ficha con características da obra. Biblioteca Virtual Miguel de Cervantes.
- ↑ "Henry Cohen. Description historique des monnaies frappées sous l'Empire romain". En www.sacramoneta.com
- ↑ Saliot, M. "Cohen, Henry". En Dictionaire critique des historiens de l'art. Institut National d'Histoire de l'Art.
- ↑ Zehnacker, H (1985). "С. H. V. Sutherland, The Roman Imperial Coinage, Volume I, Revised edition, From 31 ВС to AD 69". En Revue numismatique. Vol. 6. Nº 27. Páxinas 229-231.
- ↑ "Description Historique des monnaies frappées sous l'Empire Romain. Second edition, Paris, 1880-1892". En www.iNumis.com
Véxase tamén
Outros artigos
Ligazóns externas
- Virtualcohen.com. Versión en liña do catálogo de Cohen, 120 anos despois da súa publicación inicial.
- "Cohen, Henry 1808-1880". En Digital Library Numis.