Pieter Boddaert

Pieter Boddaert

Biografía
Nacemento	26 de maio de 1730 Middelburg, Países Baixos
Morte	6 de maio de 1795 (64 anos) Utrecht, Países Baixos
Datos persoais
Residencia	Países Baixos
País de nacionalidade	Provincias Unidas
Educación	Universidade de Utrecht
Actividade
Ocupación	biólogo , naturalista , ictiólogo , profesor universitario , zoólogo , médico , ornitólogo , fisiólogo
Empregador	Universidade de Utrecht
Membro de	Leopoldina
Lingua	Lingua neerlandesa
Obra
Abreviatura do autor en zooloxía	Boddaert
Familia
Fillos	Pieter Boddaert jr. (en)
Pai	Pieter Boddaert (en)

Pieter Boddaert, nado en 1730 en Middelburg, Zelandia (daquela nas Provincias Unidas dos Países Baixos), e finado en 1795 en Utrecht (daquela na República Bátava), foi un médico e naturalista holandés.

Traxectoria

Fillo do xurista e poeta do mesmo nome (1694-1760), obtivo o seu doutourado en medicina na Universidade de Utrecht en 1764, pasando a ditar clases de historia natural nesa Universidade.

Foi amigo de Albert Schlosser, cuxo gabinete de "curiosidades" (obxectos de historia natural) describiu, e de Linneo. Consérvanse catorce cartas da súa correspondencia con este último, datadas entre 1768 e 1775.

En 1783 publicou cincuenta exemplares dunha "Clave de identificación dos debuxos de Edmé-Louis Daubenton", das que deu os nomes científicos a cada unha das especies das láminas. Moitos destes primeiros nomes científicos por el propostos permanecen vixentes aínda hoxe.

En 1785 publicou Elenchus Animalium, no que incluíu os primeiros nomes binomiais (e trinomiais) de varios mamíferos, incluíndo o do tarpán (Equus ferus) e o da quagga (Equus quagga quagga).

Honores

Foi membro en 1771 da Deutsche Akademie der Naturforscher Leopoldina (Academia Leopoldina).

Abreviatura

A abreviatura Boddaert emprégase para sinalar a Pieter Boddaert como autoridade na descrición e taxonomía en zooloxía.