Soraya Sáenz de Santamaría

María Soraya Sáenz de Santamaría Antón
abril de 2018
Vicepresidenta do Goberno de España
21 de decembro de 2011 – 7 de xuño de 2018
Precedido por	Elena Salgado
Sucedido por	Carmen Calvo
Ministra de Presidencia e para as Administracións Territoriais do Goberno de España
21 de decembro de 2011 – 7 de xuño de 2018
Precedido por	Ramón Jauregui
Sucedido por	Carmen Calvo (Presidencia) Meritxell Batet (Política Territorial)
Portavoz do Goberno de España
21 de decembro de 2011 – 3 de novembro de 2016
Precedido por	José Blanco
Sucedido por	Íñigo Méndez de Vigo
Deputada nas Cortes Xerais por Madrid
Actualmente no cargo
Desde o 17 de maio de 2004
Datos persoais
Nacemento	10 de xuño de 1971 (52 anos) Valladolid, España
Partido	Partido Popular
Profesión	Avogada do Estado e profesora de Dereito administrativo
Alma máter	Universidade de Valladolid
Na rede

María Soraya Sáenz de Santamaría Antón, nada en Valladolid o 10 de xuño de 1971, é unha política española pertencente ao Partido Popular. Entre 2011 e 2018 foi a vicepresidenta e ministra da Presidencia do Goberno de España, presidido por Mariano Rajoy.

Anteriormente ocupara o cargo de secretaria executiva de Política Territorial do Partido Popular e un escano de deputada por Madrid durante a VIII Lexislatura (2004-2008). Na IX Lexislatura foi designada por Mariano Rajoy como a portavoz do Grupo Popular no Congreso dos Deputados, en substitución de Eduardo Zaplana.

Biografía

Naceu en Valladolid en 1971 e estudou secundaria no Instituto Zorrilla. Obtivo a licenciatura en Dereito na Universidade de Valladolid cando tiña 23 anos, quedando primeira da súa promoción. Con 27 anos, ingresou por oposición no corpo de avogados do Estado, sendo destinada inicialmente a León. Foi profesora asociada de Dereito administrativo na Universidade Carlos III de Madrid.

Casou, polo civil e en Brasil, co avogado do Estado José Iván Rosa *Vallejo no ano 2005 e é nai de Iván, nacido o 11 de novembro de 2011. O seu esposo foi contratado por Telefónica como asesor xurídico da súa división internacional (TISA).

Carreira política

En 2000, xa avogada do Estado, iniciouse en política como asesora xurídica do entón ministro Mariano Rajoy, ás ordes directas do seu director de gabinete Francisco Villar García-Moreno.

É especialista en política territorial, motivo polo cal ocupou o cargo de secretaria executiva de Política Autonómica e Local do Partido Popular. Ademais, é membro do Comité Executivo Nacional do Partido Popular.

Nas eleccións xerais de 2004 colaborou no deseño do programa do Partido Popular; nesas mesmas eleccións figurou no número 18 das listas electorais ao Congreso dos Deputados, non resultando elixida e accedendo posteriormente ao escano cando Rodrigo Rato, número dous da lista, trasladouse a Washington para presidir o Fondo Monetario Internacional.

Nas eleccións xerais de 2008, figurou no quinto posto das listas para o Congreso pola provincia de Madrid, resultando elixida deputada.

O 31 de marzo de 2008, o líder do PP, Mariano Rajoy, anunciou que Soraya Sáenz de Santamaría ocuparía o cargo de portavoz do Partido Popular no Congreso dos Deputados en lugar de Eduardo Zaplana, que ocupou o mesmo cargo na anterior lexislatura.

Tras gañar o Partido Popular as eleccións xerais celebradas o 20 de novembro de 2011, o líder do PP, Mariano Rajoy, designou a Soraya Sáenz de Santamaría para dirixir o equipo de traspaso de poderes entre o Goberno saínte, do PSOE, e o Goberno entrante, do PP.

O día 21 de decembro de 2011 foi nomeada vicepresidenta, ministra da Presidencia, coas competencias sobre os servizos de intelixencia, que anteriormente estaban incluídas en Defensa, e portavoz do executivo presidido por Mariano Rajoy., cargo que ostenta ata o 3 de novembro de 2016.

O 7 de xuño de 2018 deixa de ser vicepresidenta e ministra do goberno Español, tras ser aprobada a moción de censura contra Mariano Rajoy e ser investido presidente Pedro Sánchez.

Véxase tamén

Ligazóns externas

• Biografía oficial (Congreso dos Deputados) (en castelán)