Sésamo, Culleredo

• Esta páxina trata dunha parroquia de Galicia, para a planta véxase Sésamo.

Sésamo
Capela de San Cosme de Sésamo.
Concello	Culleredo
Coordenadas	43°17′18″N 8°23′19″O
Poboación	548 hab. (2016)
Entidades de poboación	7
[ editar datos en Wikidata ]

San Martiño de Sésamo é unha parroquia que se localiza no oeste do concello de Culleredo embaixo do monte de San Cosme e forma parte do Val de Veiga. Segundo o IGE en 2016 tiña 548 habitantes (290 homes e 258 mulleres) distribuídos en 7 entidades de poboación, o que supón un aumento en relación ao ano 1999 cando tiña 449 habitantes.

Xeografía

Na actualidade e unha das parroquias mellor comunicadas pois alí converxen a saída da autovía e a terceira ronda.

A parroquia conta cunha escola infantil no lugar de Silvar, catro bares, un antigo campo de fútbol que era propiedade do cura e que doou ao pobo, posteriormente remodelado polo Concello que lle puxo pistas de fútbol e baloncesto, unha pista de área para o fútbol, novos vestiarios e unha pista para xogar ao paredón. Tamén está situado aquí o Punto limpo.

Festas

A finais de xullo e principios de agosto é cando se abre a Ermida de San Cosme de Sésamo do século X. Alí celébranse as festas na honra da Virxe do Carme e os Santos Cosme e Damián.

Galería de imaxes

• 
  Ventá absidial da ermida románica de San Cosme
• 
  Canzorros da ermida románica de San Cosme
• 
  Cruceiro diante da ermida románica de San Cosme

Véxase tamén

Outros artigos

• Lugares de Culleredo