María II de Portugal

María II de Portugal

Nome orixinal	(pt) Maria II
Biografía
Nacemento	4 de abril de 1819 Río de Xaneiro, Brasil
Morte	15 de novembro de 1853 (34 anos) Lisboa, Portugal
Causa da morte	Trastorno puerperal
Lugar de sepultura	Panteão dos Braganças (pt) Igrexa de São Vicente de Fora
Raíña de Portugal
26 de maio de 1834 – 15 de novembro de 1853 ← Miguel I de Portugal – Pedro V de Portugal →
Raíña de Portugal
2 de maio de 1826 – 23 de xuño de 1828 ← Pedro I do Brasil – Miguel I de Portugal →
Datos persoais
Outros nomes	A educadora
País de nacionalidade	Brasil Reino de Portugal
Relixión	Igrexa católica
Actividade
Lingua	Lingua portuguesa
Outro
Título	Duque do Porto (1833–1838) Rei de Portugal Infanta de Portugal
Familia	Casa de Bragança
Cónxuxe	Fernando II de Portugal (1836–1853) Augusto de Beauharnais (pt) (1835–1835)
Fillos	Pedro V de Portugal  () Fernando II de Portugal Lois I de Portugal  () Fernando II de Portugal Infanta Maria of Portugal (en)  () Fernando II de Portugal João de Bragança, Duque de Beja (pt)  () Fernando II de Portugal Maria Ana de Bragança, Princesa da Saxónia (pt)  () Fernando II de Portugal Antónia de Bragança (pt)  () Fernando II de Portugal Fernando Maria Luís de Bragança (pt)  () Fernando II de Portugal Augusto de Bragança, Duque de Coimbra (pt)  () Fernando II de Portugal Infante Leopoldo of Portugal (en)  () Fernando II de Portugal Infanta Maria da Glória of Portugal (en)  () Fernando II de Portugal Infante Eugénio of Portugal (en)  () Fernando II de Portugal
Pais	Pedro I do Brasil   e María Leopoldina de Austria
Irmáns	Miguel de Bragança, Príncipe da Beira (pt) , João Carlos, Príncipe da Beira (pt) , Januária Maria de Bragança (pt) , Paula Mariana de Bragança (pt) , Rodrigo Delfim Pereira (pt) , Isabel Maria de Alcântara Brasileira (pt) , Francisca de Bragança (pt) , Pedro II do Brasil, Pedro de Alcântara Brasileiro de Saisset (pt) e Maria Isabel de Alcântara Bourbon (pt)
Premios  Rosa de Ouro  Gran Cruz da Faixa das Tres Ordes  Grão-Mestre da Ordem de Nossa Senhora da Conceição de Vila Viçosa (pt)  Grã-Cruz da Ordem de Nossa Senhora da Conceição de Vila Viçosa (pt)
Sinatura

Raíña María II de Portugal

María II de Portugal (nada en Río de Xaneiro o 4 de abril de 1819 e falecida en Lisboa o 15 de novembro de 1853) foi raíña de Portugal, alcumada a Educadora. Nacida en Brasil, foi a única americana xefe de estado dun estado europeo.

Era a filla do rei Pedro IV de Portugal, tamén emperador de Brasil co nome de Pedro I, e da súa primeira esposa a archiduquesa Maria Leopoldina Josefa Carolina de Austria. Foi a segunda e última muller que logrou acceder ao trono de Portugal.

Ascenso ao trono

Artigo principal: Guerras Liberais.

En marzo de 1826 morreu o rei Xoán VI, o que provocou unha crise de sucesión no país. O seu herdeiro, Pedro IV, proclamouse emperador de Brasil en 1822. Xoán tiña outro fillo Miguel, pero estaba exiliado en Austria logo de liderar unha serie de levantamentos contra o seu pai e o seu réxime liberal.

O rei designou á súa filla preferida, Isabel María, rexente ata que o seu "herdeiro lexítimo regresase ao país". Pero xamais especificou quen era ese herdeiro, se era Pedro o emperador, ou Miguel, o príncipe no exilio.

Advertido de que os seguidores do seu irmán estaba listos para colocar a Miguel no trono, Pedro abdicou en favor da súa filla maior, María da Gloria, que só tiña sete anos de idade, coa condición de que casase co seu tío Miguel e de que este aceptase a Constitución Liberal e exercese a rexencia ata que a súa sobriña alcanzase a maioría de idade.

Miguel simulou que aceptaba a proposta, pero ao chegar a Portugal, derrocou a María e proclamouse a si mesmo rei, abolindo a constitución liberal. Durante o reinado do seu esposo, María percorreu diversas cortes europeas, incluíndo a do seu avó en Viena así como Londres e París.

Pedro abdicou do trono brasileiro en 1831 en favor do seu fillo Pedro de Alcántara, e desde a súa base nas Azores atacou a Miguel, obrigándoo a abdicar en 1834. María II retomou a coroa e conseguiu a anulación do matrimonio co seu tío.

Reinado

O 26 de xaneiro de 1835, con 15 anos de idade, casou con Carlos, duque de Leuchtenberg, fillo de Eugène de Beauharnais e neto da emperatriz Xosefina. Carlos morreu o 28 de marzo dese mesmo ano, dous meses logo da voda.

O 1 de xaneiro de 1836, María casou co príncipe Fernando de Saxonia Coburgo Gota que gobernou como rei consorte. Recibiu o título, de acordo coa tradición portuguesa, ao nacer o seu primeiro fillo, o herdeiro.

O reinado de María II enfrontouse a unha insurrección o 16 de maio de 1846, que foi sufocada polas tropas realistas o 22 de febreiro de 1847. Promulgouse unha acta ditada para asegurar a saúde pública que evitou que se expandise o cólera polo país. Ademais apoiou políticas que fomentaban o aumento do nivel educativo da poboación.

Tras diversos embarazos e partos, os médicos informaron a María II do perigo que supuña para a súa saúde dar a luz a un fillo por ano. María non fixo caso das advertencias e morreu ao dar a luz ao príncipe Uxío en 1853.

Trazos da súa personalidade

A raíña María II é recordada como unha nai exemplar e unha persoa agradable que actuou sempre segundo as súas conviccións, intentando axudar ao seu país. Máis tarde recibiu o alcume de a boa nai.

Predecesor: Pedro IV	raíña de Portugal  1826-1828	Sucesor: Miguel I
Predecesor: Miguel I	raíña de Portugal  1834-1853	Sucesor: Pedro V