Avelino González

Non confundir con Avelino González Mallada, anarquista asturiano.

Avelino González

Biografía
Nacemento	1962 (61/62 anos) Santo André de Comesaña, España
Datos persoais
País de nacionalidade	España
Actividade
Ocupación	Actor, narrador oral, director e tradutor de teatro
Lingua	Lingua galega
Páxina web	http://www.avelinogonzalez.gal/

Avelino González (esquerda) con Xesús Ron e Xulio Lago nunha entrevista.

Xosé Avelino González Fernández, coñecido como Avelino González, nado en Santo André de Comesaña (Vigo) en 1962, é un actor galego, narrador oral, director e tradutor de teatro, e especialista en animación de rúa. A súa irmá é Helena González Fernández.

Traxectoria

Comezou a súa carreira no teatro en A Farándula (Vigo, 1980), compañía na que colaborou ata a súa desaparición. Fundador de Tranvía Teatro (1989), con Cándido Pazó, e de Ollomoltranvía (1993), é un nome consolidado no panorama escénico. Deu o salto ao cine en 1987 con Gallego, no que ten feito filmes nos que destaca ¿A ti como se che di adeus?. Na pequena pantalla ten actuado en programas (Arestora, Luar...), series (Mareas Vivas, Galicia Express...) e telefilmes (Condenado a vivir). O seu personaxe Miñato, da serie Padre Casares, é un dos que máis popularidade lle dan. Foi presidente da Asociación de actores e actrices de Galicia entre 2013 e 2015.

Na actualidade salienta o seu traballo como narrador, actor, tradutor e director teatral. Nas súas historias o humor combínase cun emprego enxeñoso da lingua, a historia, a memoria, a literatura, a tradición oral e mais a crítica social e política. Mantén un fío de escrita creativa no facebook, titulado "Blogme tendal" a partir de fotografías de roupa estendida, ao xeito das cousas de Castelao. Participou no audio-libro Contos de Castelao nas voces de Santiago Prego, Avelino González e Cándido Pazó editado polo Consello da Cultura Galega, 2010.

Teatro

Como actor

• Tarará-chis-pum, produción do Centro Dramático Galego; dirixido por Artello Teatro Alla Scala (2006)
• As laranxas mais laranxas de todas as laranxas, de Carlos Casares, (CDG); dirixido por José Caldas (2004)
• Animaliños, de R. Vidal Bolaño (Compañía Teatro do Aquí); dirixido por Roberto Vidal Bolaño (2002)
• Policía, de Sławomir Mrożek (Ollomoltranvía); dirixido por Cándido Pazó (2001)
• Estação Mahagonny, de Alexandra Moreira da Silva (adaptación de Aufstieg und Untergang der Stadt Mahagonny de Bertolt Brecht e Kurt Weill (Teatro do Noroeste e Centro Dramático de Viana, 1998)
• Escola de Bufóns, de Michel de Ghelderode (Ollomoltranvía); dirixido por Fabio Mangolini (1997)
• O rei nu, de Cándido Pazó e Quico Cadaval; (Ollomoltranvía); dirixido por Cándido Pazó (1995)
• Raíñas de Pedra, de Cándido Pazó (Ollomoltranvía); dirixido por Hélder Costa (1994)
• Commedia, un xoguete para Goldoni, de C. Goldoni (Ollomoltranvía); dirixido por Cándido Pazó (1993)
• Historia do Soldado, de Igor Stravinskii (Centro Dramático Galego) (1993)
• Un Soño de Verán de William Shakespeare (Centro Dramático Galego); dirixido por Eduardo Alonso (1992)
• As Alegres Casadas de William Shakespeare (Centro Dramático Galego); dirixido por Eduardo Alonso (1989)

Como director e autor

• Saaabor!, 2018, producido por Culturactiva SCQ.
• Sénior, 2018, producido por Coperactiva.
• Copérate, 2017, producido por Coperactiva.
• Dous no camiño, 2017, producido por Coperactiva.
• Filosofando, 2015, autor e director, producido por Coperactiva.
• The Telephone, 2015, de Gian Carlo Menotti para a Real Filharmonía de Galicia.

• Brancaflor, 2014, producido por Coperactiva.
• Pelos na lingua, 2011. Estrea no Pazo da Cultura de Carballo por Talía Teatro. Guion a partir de textos de Avelino González, María Ordóñez, Artur Trillo e Séchu Sende.
• Crónica de Avilés de Taramancos, 2003, producido por Falabarato.
• Bicos con lingua, 2003. Estrea no Teatro Principal de Compostela, producido por Talía Teatro. Guión a partir de relatos de Suso de Toro, Cándido Pazó, Avelino González, Ana Igresias, Xavier Lama, Marta Echevarría e Manuel Núñez Singala.
• Love letters, 2001, de A.R. Gurney, producido por Lagarta, lagarta.

Como tradutor e adaptador

• Meu ben, de Elaine Murphy, con Olga F. Nogueira. Estreada en Narón en 2014 pola compañía Eme2. Dirección de Álvaro Lavín.
• Unha hora na vida de Stefan Zweig, de Antonio Tabares. Estreada en Narón en 2014 pola compañía Lagarta, lagarta. Dirección de Rosa Álvarez.
• Un cranio furado (A Skull in Connemara no seu título orixinal en inglés), de Martin McDonagh. Estreada en 2010 pola compañía Producións Teatrais Excéntricas. Dirección de Quico Cadaval.
• A bombilla máxica, de Woody Allen con Olga F. Nogueira. Estreada en 2007 pola compañía Teatro do Atlántico. Dirección de Xúlio Lago.

• A raíña da beleza de Leelane, de Martin McDonagh, con Olga F. Nogueira. Estreada na Sala Yago de Santiago de Compostela en 2006.

Audiovisual

Actor de ficción en distintos formatos e medios, que inclúe series de televisión, cine e webseries, tamén traballou como personaxe para programas infantís (O campo de atrás) e de entretemento. Fixo de actor de captura de momentos para o filme El Cid e a serie Goomer (Filmax/Bren Entertainment). Parte do seu traballo audiovisual aparece nos videobooks de 2012 e 2017.

Cine

• Heroína (Gerardo Herrero, 2004)
• Condenado a vivir (Roberto Bodegas, 2000)
• Lena (Gonzalo Tapia, 2000)
• A caída dun manager malvado (Marcos Estebo, 2000)
• Gallego (Octavio Gómez, 1987)

Curtametraxes

• Valores familiares, dirección de Jesús Pedrosa (2012)
• O máis rico (do cemiterio), dirección e guion de Jorge Fernández (2007)
• Lúa y Leo
• ¿A ti como se che di adeus?, dirección de Jorge Coira (1998)
• Te encontré, dirixida por Susana Estévez (2006)

Televisión

• Seis Hermanas, producido por Bambú Producciones para TVE (2015)
• Clases de lo social, webserie con dirección e guión de Pablo Cacheda de la Paz (2013). Webserie.
• Piratas, dirección de Jorge Coira e Jorge Saavedra, para Telecinco (2011)
• Padre Casares, producido por Voz Audiovisual para TVG (2008)
• A vida por diante, producido por Voz Audiovisual para TVG (2006)
• Comando zapping, producido por Productora Faro para TVG (2005-2006)
• Cuéntame, producido por Ganga para TVE (2005)
• As leis de Celavella, producido por Voz Audiovisual para TVG (2003-2004)
• Rías Baixas, producido por Zenith Televisión para TVG (2004)
• Máxima Audiencia/zapping producido por TVG (2004)
• Hospital Central, producido por Videomedia para Telecinco (2003)
• Lluvia, dirixido por Isabel Coixet, producida por Canal+ (2000)
• Galicia Express, producido por Portozás Visión para TVG (2000)
• Mareas vivas producido por N.T.R. para TVG (2000)
• Pratos combinados, producido por Editorial Compostela para TVG (1998-2004)
• Luar, producido por TVG (1997)
• Arestora, (TVG) (1988-1989), onde facía de Pupo.
• O Campo de Atrás dirixido por Manuel Pombal para a TVG (1988)

Narración oral

Ten participado en numerosos festivais de narración oral galegos e internacionais.

O espectáculo Vento mareiro xorde do Primeiro Concerto expansivo Nunca Máis organizado pola Plataforma contra a Burla Negra en 2003. Trátase dunha colaboración do narrador oral co grupo musical Caramuxo. Nel recóllense historias viradas ao mar: unha copla do entroido de Cee sobre a factoría baleeira de Caneliñas, un conto arredor da relación mítica de Galicia coas sereas, outra historia sobre un paisano de Noia chamado Andrucho que pasou de patrón de veleiro a patrón de gabarra no Amazonas organizando remesas de armas para a guerrilla colombiana, unha historia de pesca no Gran Sol. A narración oral combínase coa parte musical (habaneras, valses, pasodobres e jazz). Vento mareiro foi o espectáculo máis representado en Galicia en 2015.

Algúns dos seus monólogos e contos son:

• Entre un galo e un polbo (2017), baseado na vida e na obra literaria de Carlos Casares.
• Contos de contrabando (2017)
• "O conto da lumbrighanta e anguiacho", no encontro Ponte... nas ondas! (2016), baseado en Os ausentes de Casteltón, de Jacobo Barros
• Historias tenras e canallas (2015)
• "Conto do reloxo", no encontro Ponte... nas ondas! (2012)
• "De como os galegos falamos portugués ao acatarrármonos" (2011)
• "Algúns exemplos de lingüística gastronómica" (2011)
• Vento mareiro, creado por Avelino González e Caramuxo. Estrea oficial no Coliseo Noela de Noia en 2005. Guion con textos de Manuel Rivas, Xurxo Souto, Antón Avilés de Taramancos e o propio Avelino González
• "El e ela" (2008)

Premios

• Premio Compostela ao mellor actor secundario por Un soño de verán (1993)
• Premio María Casares ó mellor texto orixinal por Bicos con Lingua (2004)
• Nomeado ao Premio María Casares á mellor dirección por Bicos con lingua (2004)
• Nomeado ao Premio María Casares ó mellor texto adaptado por Vento Mareiro (2006)
• Premio María Casares ó mellor texto traducido, con Olga F. Nogueira, por A raíña da beleza de Leelane (2007)
• Premio María Casares ó mellor texto traducido, con Olga F. Nogueira, por A bombilla máxica (2007)
• Premio María Casares ó mellor texto traducido, por Un cranio furado (2011)
• Premio Max ao mellor autor teatral en galego, con Artur Trillo e María Ordóñez, por Pelos na lingua (2012)

Activismo

Avelino González participa en campañas reivindicativas, a prol da defensa da lingua e da cultura e de temas sociais.

• Adaptación do poema de Rosalía de Castro e intervención en Adiós ríos, adiós fontes. Microactivismo poético dende o Val Miñor (2017), na campaña Lumes Nunca Máis!. Música de Rubén Artabe. Gravación e edición de Alga Photography e mediaLab Casa Colorida.
• Intervención na campaña Como cho digo, da Coordinadora de Traballadores/as de Normalización da Lingua (2014)
• Intervención na campaña #euapoioa Asodifisi, da Asociación de Disminuidos Físicos y Síquicos ASO.DI.FISI (2012)[1]
• Intervención na Gala pola Libertade de Expresión en apoio a Leo Bassi e o Teatro Alfil. Recadación de axuda económica para damnificados polas inundacións nos campos de refuxiados do Sáhara.
• Manifesto "Seguir construíndo a esperanza" (2004)

Véxase tamén

Ligazóns externas

• Páxina web oficial
• Avelino González no Facebook
• Avelino González no Twitter
• Avelino González na IMDb (en inglés).
• Ficha en culturagalega.org