Universidade de Witwatersrand

A Universidade de Witwatersrand (en inglés: University of the Witwatersrand, en afrikaans: Universiteit van die Witwatersrand) é unha universidade surafricana dentro da rexión do Witwatersrand. É a máis importante do país e fundouse orixinalmente en Kimberley e trasladouse ó seu emprazamento actual tras a segunda guerra dos Bóers, rebautizándose entón como escola técnica e de minas. Entre os seus alumnos máis importantes atópanse Nelson Mandela e Aaron Klug.