1I/ʻOumuamua

Órbita de A/2017 U1.

1I/ʻOumuamua, previamente coñecido como A/2017 U1 e antes como C/2017 U1 (PANSTARRS), é un obxecto aparentemente interestelar que pasou a través do Sistema Solar. Foi descuberto nunha órbita altamente hiperbólica por Robert Weryk o 19 de outubro de 2017 mediante observacións feitas polo telescopio Pan-STARRS cando o obxecto estaba a 0,2 UA (uns 30 millóns de km) da Terra. Inicialmente pensouse que era un cometa, pero foi máis tarde reclasificado como un asteroide.

A excentricidade da órbita do obxecto, tras dúas semanas de observacións, estímase en 1,195±0,001, a maior xamais observada no Sistema Solar. O récord anterior tíñao C/1980 E1, cunha excentricidade en saída de 1,057. A excentricidade de 2017 U1 tanto en entrada como en saída, indica que nunca estivo ligado ao Sistema Solar e que se trata de un obxecto seguramente interestelar.

O Centro de Planetas Menores da Unión Astronómica Internacional informa que creou un pequeno comité para a elaboración da nomenclatura de obxectos interestelares que atravesen o sistema solar, sendo iste o primeiro obxeto da devandita nomenclatura tal como sinala a comunicación electrónica do 6 de novembro de 2017, que sinalan as tres nomenclaturas oficiais do obxecto 1I ; 1I/2017 UI; 1I /¨Umuamua; 1I /2017 UI (¨Oumuamua). O numero 1 indica que é o primeiro obxecto da serie, a letra I indica que é un obxecto interestelar,o nome Oumuamua, que foi elexido por lo equipo Pan-STARRS, é de orixe hawaiano e reflicte o xeito de este objeto es coma un explorador ou mensaxeiro enviado dende un pasado lexano ata o noso sistema solar ("ou" significa chegar para, e "mua", co segundo énfasis coa colocación de outro "mua", significa o primerio,) polo tanto poderiamos traducilo ao galego coma 1I/"o que chegou o primeiro".

Observacións

O obxecto foi detectado cun exceso de velocidade hiperbólica de 26 km/s con respecto ao Sol e na dirección aproximada da estrela Vega, na constelación de Lyra, coincidente máis ou menos co apex solar, a dirección da que é máis probable que veña un obxecto interestelar.

O 26 de outubro de 2017 descubreuse que o obxecto fora observado inadvertidamente no Catalina Sky Survey entre o 14 e o 17 de outubro. Un arco de observación de dúas semanas confirmou a natureza hiperbólica do obxecto. O telescopio William Herschel, en observacións feitas o 25 de outuro, mostrou que o asteroide ten unha corazión vermella como a de múltiples obxectos do Cinto de Kuiper.

Por extrapolación da órbita, calcúlase que fai un século A/2017 U1 estaba a unhas 559 UA do Sol e movéndose a 26 km/s con respecto da nosa estrela. A velocidade do asteroide foi aumentando a medida que se achegaba ao Sol ata chegar a un máximo de 87,7 km/s no perihelio. No momento do descubrimento a súa velocidade era de 46 km/s e seguirá diminuindo ata chegar de novo aos 26 km/s no espazo interestelar, que é unha velocidade similar á das estrelas veciñas do Sol con respecto de este, o cal é outro indicio da súa orixe interestelar. A dirección de escape do asteroide está na dirección xeral da constelación de Pegasus.

Natureza asteroidal

En tomas de longa duración feitas desde o Very Large Telescope o obxecto non mostrou a presenza dunha coma, polo que pasou de denominarse C/2017 U1 (a denominación comezando por "C" resérvase aos cometas) a A/2017 U1.