Isabel Soto

Isabel Soto

A tradutora viguesa Isabel Soto.
Biografía
Nacemento	18 de xullo de 1969 (54 anos) Vigo, Galicia
Datos persoais
País de nacionalidade	España
Formación profesional	Filoloxía Hispánica
Educación	Universidade de Santiago de Compostela
Actividade
Ocupación	tradutora
Xénero artístico	Ensaio e tradución
Lingua	Lingua castelá

María Isabel Soto López, nada en Vigo o 18 de xullo de 1969, é unha crítica literaria e tradutora galega.

Traxectoria

Licenciouse en filoloxía hispánica en 1992 pola Universidade de Santiago de Compostela. Graduouuse coa memoria de licenciatura Heralcio Pérez Plácer. Obra e narrativ completa en galego. Edición e analálise literaria, publicado anos máis tarde )1998) por Centro Ramón Piñeiro para a Investigación en Humanidades. Así mesmo, comezou a súa tese de doutoramento baixo a dirección de Anxo Tarrío sobre a "Formación e análise da crítica literaria galega".

Traballa como tradutora profesional dende 1996. Nunha primeira etapa, principalmente libro de texto; a partir da década de 2000, sobre todo literatura estranxeira cara ao galego e ao castelán dende a lingua francesa, a portuguesa ou a italiana. No ámbito galego, publicou con Edebé-Rodeira, Kalandraka, Edicións Xerais de Galicia, Editorial Hugin e Munin, El Patito Editorial, Hércules de Edicións, Edelvives-Tambre. No ambito estatal, con Destino, Alianza editorial, Bruño, Vicens Vives, Ediciones SM, Akal, Anaya, Ediciones B, Edelvives e Planeta & Oxford.

Obra

Ensaio

• Do libro impreso á Internet, 2005, Xunta de Galicia.

Traducións

Os tradutores Isabel Soto e Xavier Senín, xunto co editor Alejandro Tobar, durante a presentación da tradución de Locus Solus en Cambados.

• O outro río: a emigración galega a Río de Xaneiro, de Érica Sarmiento da Silva, 2006, 3C3 Editores.
• Coida o teu planeta, de Jean-Michel Billioud, 2007, S. M. Xerme (Vigo).
• Cordelúa, de Elia Barceló, 2007, Rodeira.
• Os corvos do xardín, de Aldous Huxley, 2007, S. M. Xerme.
• As desgrazas de Sophie, de Valérie Dayre, 2007, S. M. Xerme.
• A sopeira e o cazo, de Michael Ende, 2007, S. M. Xerme.
• Agardarei por ti en África, de Blanca Álvarez, 2008, Planeta-Oxford.
• De profundis, de Miguelanxo Prado, 2008, El Patito.
• Fuxida cara ao sur, de Juan Madrid, 2008, Rodeira.
• Galego á beira do mar, de Juan Farias, 2008, Kalandraka.
• Flanagan Flash-Back, de Andreu Martín e Jaume Ribera, 2009, Xerais.
• Geronimo Stilton. O meu nome é Geronimo Stilton, 2009, Destino (Barcelona).
• Geronimo Stilton. O misterioso manuscrito de Nostrarratus, 2009, Destino.
• Geronimo Stilton. Na procura da marabilla perdida, 2009, Destino.
• Geronimo Stilton. A carreira máis desatinada do mundo, 2010, Destino.
• Geronimo Stilton. O galeón dos gatos piratas, 2010, Destino.
• Geronimo Stilton. Unha aloucada viaxe a Ratiquistán, 2010, Destino.
• Isto é París, de Miroslav Sasek, 2010, El Patito.
• Lóbrego romance, pálido pantasma: as lendas espectraies de Malvadia, de Jack Mircala, 2010, El Patito.
• Geronimo Stilton. O misterio do tesouro desaparecido. 2011, Destino.
• Geronimo Stilton. O sorriso da Mona Ratisa. 2011, Destino.
• Geronimo Stilton. Vaite de aí, cara de queixo!. 2011, Destino.
• Elias Portolu, de Grazia Deledda, 2012, Hugin e Munin.
• Un matrimonio provinciano, de Marquesa Colombi, 2014, Hugin e Munin.
• Matarte lentamente, de Diego Ameixeiras, 2015, Akal.
• Fosca, de Igino Ugo Tarchetti, 2016, Hugin e Munin.
• Últimas cartas de Jacopo Ortis, de Ugo Foscolo, 2016, Hugin e Munin.
• A contrafío, de Joris-Karl Huysmans, 2016, Hugin e Munin.
• Thérese Raquin, de Émile Zola, 2017, Hugin e Munin.
• Conduce rápido, de Diego Ameixeiras, 2017, Akal.
• A obra, de Bruno Sperani, 2017, Hugin e Munin.

Edicións

• Obra narrativa en galego de Heraclio Pérez Placer, 1998, Centro Ramón Piñeiro para a Investigación en Humanidades.
• O rastro que deixamos, de Agustín Fernández Paz, Xerais, 2012.
• Un mundo de palabras, de Agustín Fernández Paz, Xerais, 2017.

Obras colectivas

Na imaxe (2016), de esquerda a dereita, as filólogas Isabel Mociño, Carmen Ferreira Boo, Mar Fernández Vázquez, Blanca-Ana Roig Rechou (coordinadora), Eulalia Agrelo Costas, Isabel Soto e Marta Neira, redactoras da obra Historia da Literatura Infantil e Xuvenil Galega, publicada en 2015 por Xerais.

• A nosa literatura infantil e xuvenil 2000, 2002, Gálix/Xunta de Galicia.
• Multiculturalismo e identidades permeábeis na literatura infantil e xuvenil, 2006, Xerais. Con Blanca-Ana Roig e Pedro Lucas.
• Teatro infantil. Do texto á representación, 2007, Xerais. Con Pedro Lucas e Blanca-Ana Roig.
• A Guerra Civil española na narrativa infantil e xuvenil, 2008, Xerais. Con Blanca-Ana Roig e Pedro Lucas.
• A poesía infantil no século XXI (2000-2008). 2009, Xerais. Con Blanca-Ana Roig e Marta Neira Rodríguez.
• Reescrituras do conto popular (2000-2009), 2010, Xerais. Con Marta Neira Rodríguez e Blanca-Ana Roig.
• O Álbum na Literatura Infantil e Xuvenil (2000-2010), 2011, Xerais. Con Marta Neira Rodríguez e Blanca-Ana Roig.
• A narrativa xuvenil a debate (2000-2011), 2012, Xerais. Con Blanca-Ana Roig e Marta Neira.
• Premios Literarios e de ilustración na LIX, 2013, Xerais. Con Blanca-Ana Roig e Marta Neira.
• Inmigración/Emigración na LIX, 2014, Xerais. Con Blanca-Ana Roig e Marta Neira.
• Historia da Literatura Infantil e Xuvenil Galega, 2015, Xerais.
• Reflexos das dúas guerras mundiais na LIX, 2016, Xerais. Con Blanca-Ana Roig e Marta Neira.

Traducións colectivas

• O tolo da ría, de Juan Farias, 2005, Luis Vives. Con Xavier Senín.
• Algúns nenos, tres cans e máis cousas, de Juan Farias, 2006, Planeta. Con Xavier Senín.
• A Odisea contada aos nenos, de Rosa Navarro Durán, 2007, Rodeira. Con Xavier Senín.
• A clase, de François Bégaudeau, 2008, Xerais. Con Xavier Senín.
• A fabulosa lenda do Rei Artur, de Jordi Sierra i Fabra, 2008, Rodeira. Con Xavier Senín.
• Mal de escola, de Daniel Pennac, 2008, Xerais. Con Xavier Senín.
• O aniversario de Astérix e Obélix. O libro de ouro, Albert Uderzo, 2009, Salvat. Con Valentín Arias e Xavier Senín.
• Locus Solus, de Raymond Roussel, 2012, Hugin e Munin. Con Xavier Senín.
• Asterix e os pictos, de Didier Conrad e Jean-Yves Ferri, 2013, Xerais. Con Xavier Senín.
• A Eva futura, de Auguste Villiers de L'Isle-Adam, 2014, Hugin e Munin. Con Xavier Senín.
• Astérix e os godos, de René Goscinny e Albert Uderzo, 2015, Xerais. Con Xavier Senín.
• Astérix gladiador, de René Goscinny e Albert Uderzo, 2015, Xerais. Con Xavier Senín.
• Astérix. O papiro do César, de Didier Conrad e Jean-Yves Ferri, 2015, Xerais. Con Xavier Senín.
• A volta á Galia de Astérix, de René Goscinny e Albert Uderzo, 2016, Xerais. Con Xavier Senín.

Premios

• A tradución da obra A odisea contada aos nenos foi distinguida co Premio Lois Tobío da Asociación Galega de Editores de 2008.
• Premio Fervenzas literarias ao mellor libro traducido de Literatura infantil e xuvenil de 2015, por O papiro do César.
• Premio Plácido Castro de Tradución na súa XVI edición (2016) por Fosca.

Véxase tamén

Ligazóns externas

• Isabel Soto na páxina web da Asociación de Escritoras e Escritores en Lingua Galega.