Sacardebois, Parada de Sil: Diferenzas entre revisións
m Desfixéronse as edicións de Domingo~glwiki (conversa); cambiado á última versión feita por Prevert |
m →Outros artigos: Arranxos varios, replaced: Parroquias de Galicia baixo a advocación de San → Parroquias de Galicia baixo a advocación de san |
||
| Liña 39: | Liña 39: | ||
[[Categoría:Parroquias de Parada de Sil]] |
[[Categoría:Parroquias de Parada de Sil]] |
||
[[Categoría:Parroquias de Galicia baixo a advocación de |
[[Categoría:Parroquias de Galicia baixo a advocación de san Martiño]] |
||
Revisión como estaba o 16 de agosto de 2017 ás 10:14
| Sacardebois | |
|---|---|
| Concello | Parada de Sil |
| Coordenadas | 42°22′37″N 7°31′17″O / 42.37708333, -7.52133333Coordenadas: 42°22′37″N 7°31′17″O / 42.37708333, -7.52133333 |
| Área | 3 km² |
| Poboación | 98 hab. (2008) |
| Densidade | 32,67 hab./km² |
| Entidades de poboación | Bouzas, Costrela, Porto, Barxa, Val, Leirabella e Calvos |
| [ editar datos en Wikidata ] | |
Sacardebois é unha parroquia do concello de Parada de Sil (provincia de Ourense). Segundo o IGE en 2008 tiña 98 habitantes (46 homes e 52 mulleres) en sete aldeas.
Xeografía
Está situada na comarca da Terra de Caldelas, na beira sur do río Sil. Linda ao norte coas parroquias de Pinol e Amandi, do veciño concello de Sober na provincia de Lugo; ao sur con Forcas, ao oeste con Chandrexa e ao leste con San Lourenzo de Barxacova.
A súa orografía está formada por unha vertente orientada cara ao norte en forma de pequenas ondulacións e vales por onde percorren os regatos das Augas Brancas (cos seus afluentes: Chipela, Roxedoiro e Purdeus), regato da Gurbela ou San Fiz, regato da Confredaría ou da Barxa, e por último, regato de Peche ou da Costrela, nomeados eles, de oeste a leste.
A parte alta do terreo está ocupada por unha fraga na cal o piñeiro e o eucalipto son case inexistentes. Da metade para abaixo (da vertente que forma a parroquia) está ocupada por bancais tamén nomeados patados, dedicados ó cultivo do viñedo. Onde o cultivo das vides se abandonou ou non se axeita, os terreos son de soutos, cos centenarios castiñeiros, nogueiras, e outras árbores froiteiras.
Economía
As casas da parroquia son unhas cincuenta, pero co abandono das labouras agrícolas, non rendibles para a xuventude, moitas delas só cobran vida en momentos determinados, coma, nas vacacións, vendima ou castañeira.
O cultivo do viñedo e as variedades de uvas garnacha, mouratón e mencía en tinto, así como a palomino en branca, tivo épocas espléndidas; hoxe en día, tres cooperativas están establecidas dentro da D.O. Ribeira Sacra, proseguindo a nivel industrial esta tradición.
Festas
A parroquia ten como patrón a San Martiño que se celebra o 11 de novembro cunha festa popular gastronómica con magosto incluído, que nos últimos anos é tamén a festa do viño, pero hai outra festa de verán, a Virxe do Carme, que ten lugar o 16 de xullo. Tamén son salientables as festas na Costrela, onde contan cunha capela en honra da Virxe das Neves, e mais recentemente en Calvos en honra a San Roque, como evento gastronómico é festivo só para os nados do lugar e os seus familiares, que se celebra o primeiro sábado despois do 15 de agosto.
Lugares e parroquias
Lugares de Sacardebois
| Lugares da parroquia de Sacardebois no concello de Parada de Sil (Ourense) | |
|---|---|
|
Bouzas | Calvos | A Costrela | Leiravella | O Val |