Bastavales, Brión

Para outras páxinas con títulos homónimos véxase: Bastavales.

San Xulián de Bastavales
Igrexa de San Xulián de Bastavales.
Concello	Brión
Coordenadas	42°49′19″N 8°39′50″O
Área	14,4 km²
Poboación	1.338 hab. (2014)
Densidade	92,92 hab./km²
Entidades de poboación	24
[ editar datos en Wikidata ]

San Xulián de Bastavales é unha parroquia que se localiza no leste do concello coruñés de Brión na comarca de Santiago. Segundo o IGE en 2014 tiña 1 338 habitantes (618 homes e 720 mulleres) distribuídos en 24 entidades de poboación, o que supón unha diminución en relación ao ano 1999 cando tiña 1 382 habitantes.

Historia

Segundo a mitoloxía popular no castro de Beca tiña a súa residencia a Raíña Lupa na época en que o Apóstolo Santiago foi enterrado en Compostela. Este castro Lupario, ou castro de Beca, puido ser a capital da tribo prerromana dos Amaeos, pertencente ao pobo dos Caparos.

En San Xulián de Bastavales publicouse entre 1932 e 1933 o periódico O Vencello Mahián, centrado no Sindicato Agrícola da parroquia.

No arquivo parroquial gárdanse os escritos do párroco José Pumar Gándara, que polos anos 60 e 70 escribiu unha Historia Inédita de Bastavales, 12 tomos encadernados en pel nos que trata tamén temas como a etnoloxía ou léxico do lugar.

Patrimonio

A igrexa parroquial foi construída na metade do século XVII sobre un templo románico anterior, mencionada no poema de Rosalía de Castro "Campanas de Bastavales", do libro Cantares Gallegos.

Campanas de Bastavales,
cando vos oio tocar,
mórrome de soidades.

Cando vos oio tocar,
campaniñas, campaniñas,
sin querer torno a chorar.
Cando de lonxe vos oio,
Elas tocan pra que rece;
penso que por min chamades,
E das entrañas me doio
Dóiome de dor ferida,
que antes tiña vida enteira
i hoxe teño media vida.
solo media me deixaron
os que de aló me trouxeron,
os que de aló me roubaron.
Non me roubaron, traidores,
¡ai!, uns amores toliños,
¡ai!, uns toliños amores.
Que os amores xa fuxiron
as soidades viñeron...
De pena me consumiron.

• Castro de Bemil.

Persoeiros de San Xulián de Bastavales

Da parroquia é a pandereteira Josefa de Bastavales.

Galería de imaxes

• 
• 
  Ponte dos Mouros ou de Paradela.
• 
  Castro Lupario.
• 
  Efectos da treboada Gordon.

Véxase tamén

Outros artigos

• Lugares de Brión

Ligazóns externas

• San Xulián de Bastavales na web do concello de Brión