Río Mao, río Cabe

Para outras páxinas con títulos homónimos véxase: Río Mao.

Mao
[[Ficheiro:|250px]] ó seu paso por Ribeira de Tuimil no concello de Bóveda.
País	Galicia
Nacemento	Veigas
Desembocadura	Río Cabe

O río Mao é un río galego, afluente do Cabe, que percorre a Comarca da Terra de Lemos.

Percorrido

O Mao nace nas Cortiñas, unha aldea da parroquia de San Salvador do Mao (O Incio), a 950 m de altitude, e percorre terras de tres concellos: O Incio, Bóveda e Monforte de Lemos. Atravesa os núcleos de Santa María do Mao, A Barxa, Xullán, Bóveda, A Eirexa e Cedrón. Desemboca no río Cabe na parroquia da Parte (Monforte de Lemos), a 320 m. de altitude.

Afluentes

Pola esquerda:

• Río da Penalba
• Regato de Teimoi
• Canal alto do regadío de Lemos

Pola dereita:

• Regato de Cereixedo
• Rego da Carballeda
• Río Noceda
• Río Teilán

Natureza e cultura

A fauna deste río sufriu unha grande alteración^{[Cómpre referencia]} coa creación da presa de Vilasouto.

O río Mao é mencionado nun bo número de antigos documentos, entre eles o Tombo de Samos, que recolle información a partir do ano 854.