Moraxella: Diferenzas entre revisións
m Bot: Substitución automática de texto (-Gram negativa +gramnegativa) |
m →top: Arranxos varios, replaced: genus = '''''Moraxella''''' → genus = '''Moraxella''' |
||
| Liña 11: | Liña 11: | ||
| ordo = [[Pseudomonadales]] |
| ordo = [[Pseudomonadales]] |
||
| familia = [[Moraxellaceae]] |
| familia = [[Moraxellaceae]] |
||
| genus = |
| genus = '''Moraxella''' |
||
| genus_authority = |
| genus_authority = |
||
| subdivision_ranks = [[Especie]]s |
| subdivision_ranks = [[Especie]]s |
||
Revisión como estaba o 30 de marzo de 2017 ás 08:54
Moraxella é un xénero de bacterias gramnegativas. Poden ter forma de bacilo curto ou cocobacilo ou, como no caso de Moraxella catarrhalis, de cocos asociados en parellas (diplococos), ou mesmo en pequenas cadeas. A maioría destes microorganismos son inmóbiles, non esporulados, positivos nas probas da oxidase e catalase.[1] Uns son hemolíticos e algunhas especies son capsuladas. Son en xeral organismos aerobios aínda que algúns pode ser anaerobios facultativos e teñen pouca capacidade para fermentar carbohidratos.
O seu hábitat é o ambiente en xeral, pero son máis abondosas na rexión nasofarínxea dalgíns animais, como os bovinos.
Estes microorganismos non son moi esixentes, mais o seu crecemento é mellor ágar sangue especialmente se engadimos soro. Producen hemólise no ágar.
O xénero recibe o seu nome polo oftalmólogo suízo Victor Morax.
Principais especies e patoloxías
- Moraxella catarrhalis. Vive xeralmente nas vías respiratorias, pero pode pasar ás vías respiratorias inferiores en pacientes con trastornos pulmonares crónicos ou inmunodeficientes, ocasionando traqueobronquite e pneumonía. Os síntomas son similares aos causados por Haemophilus influenzae, aínda que é moito menos virulenta. Pode producir tamén otite e sinusite. Ao contrario que Neisseria meningitidis, que morfoloxicamente se parece a Moraxella catarrhalis, moi raramente causa bacteremia ou meninxite.[2]
- Moraxella lacunata. É unha das causas de blefaroconxuntivite nos humanos.[1]
- Moraxella bovis. Causa unha enfermidade característica na conxuntiva dos bovinos, provocando queratoconxuntivite (ollo rosa); noutras partes do corpo este microorganismo é saprófito. Aerobia estrita.
Notas
- ↑ 1,0 1,1 Ala'Aldeen, D. A. A. (2007). "Neisseria and moraxella". In Greenwood, David; Slack, Richard; Peitherer, John; & Barer, Mike (Eds.), Medical Microbiology (17th ed.), p. 258. Elsevier. ISBN 978-0-443-10209-7.
- ↑ "Gonorrhea Laboratory Information: Moraxella catarrhalis". Center for Disease Control and Prevention. Retrieved agosto 2013. [1]
