María Ramallo

María Pilar Ramallo Vázquez, nada o 12 de agosto de 1970 en Marín, é unha política galega, dende maio de 2011 alcaldesa electa de Marín.

Traxectoria

Licenciada en Dereito pola Universidade Complutense de Madrid, ingresou no Partido Popular, formación coa que optou como concelleira ás eleccións locais de 1995 polo concello de Marín. Foi elixida concelleira e designada para a área de Facenda. En 1999 non repite como concelleira e comeza a traballar na Delegación do Goberno en Galicia primeiro, e logo na Xunta de Galicia como asesora xurídica, sempre contratada por administracións do Partido Popular.

Nas eleccións locais de 2003 saíu elixida de novo concelleira e pasou a ocupar o posto de asistente do voceiro popular e posteriormente voceira ela mesma na oposición. En 2008 concorreu nas listas do PP ás eleccións xerais e saíu escollida deputada pola provincia de Pontevedra. En 2009 concorreu nas listas do PP ás eleccións galegas onde sae escollida deputada.

O presidente Alberto Núñez Feijóo noméaa presidenta da Autoridade Portuaria de Marín, e dous anos máis tarde preséntase á cabeza da lista do Partido Popular ás eleccións municipais en Marín, onde obtén a maioría absoluta dos concelleiros, bordeando a metade dos votos emitidos (49,8%) e conseguindo uns resultados históricos para o PP nese concello.

Predecesor: Francisco Andrés Veiga Soto

Alcaldesa de Marín  2011 - actualidade

Sucesor: no cargo

Véxase tamén

Outros artigos

• Eleccións municipais en Marín

Ligazóns externas

• Ficha no Congreso dos Deputados