John Napier

John Napier

John Napier.
Biografía
Nacemento	1550 Merchiston Tower (en)
Morte	4 de abril de 1617 (66-67 anos) Edimburgo
Lugar de sepultura	St Cuthbert's Church, Edinburgh (en)
Datos persoais
País de nacionalidade	Escocés
Relixión	Igrexa de Escocia
Educación	Universidade de St Andrews
Coñecido por	Logaritmos
Actividade
Campo de traballo	Matemático
Ocupación	teólogo , físico , inventor , astrónomo , matemático , astrólogo
Lingua	Lingua castelá e lingua inglesa
Obra
Obras destacables (1614) Mirifici logarithmorum canonis descriptio (en)
Familia
Cónxuxe	Elizabeth Stirling (1572–1579), morte do cónxuxe Agnes Chisholm
Fillos	Joan Napier (en)  () Elizabeth Stirling (en) Elizabeth Napier (en)  () Agnes Chisholm (en) Jane Napier (en)  () Agnes Chisholm (en) Anne Napier (en)  () Agnes Chisholm (en) Helen Napier (en)  () Agnes Chisholm (en) Margaret Napier (en)  () Agnes Chisholm (en) Adam Napier (en)  () Agnes Chisholm (en) John Napier (en)  () Agnes Chisholm (en) Alexander Napier (en)  () Agnes Chisholm (en) Archibald Napier, 1st Lord Napier (en)  () Elizabeth Stirling (en) William Napier of Ardinmoir (en)  () Agnes Chisholm (en) Robert Napier (en)  () Agnes Chisholm (en)
Pais	Archibald Napier (en)   e Janet Bothwell (en)

John Napier, barón de Merchiston, nado en Edimburgo en 1550 e finado o 4 de abril de 1617, foi un matemático escocés, recoñecido por descubrir os logaritmos.

Coa redución do traballo de varios meses de cálculo a uns poucos días, o invento dos logaritmos parece ter duplicado a vida dos astrónomos.

Pierre-Simon Laplace

Traxectoria

Naceu no castelo de Merchiston en 1550, sen que se saiba a data exacta. Aos trece anos, en 1563, comezou os seus estudos na Universidade de Saint-Andrews, da que saíu anos máis tarde para viaxar por Europa. regresou a Merchiston en 1571 e casou ao ano seguinte, administrando a partir daquela os bens da familia por encomenda do seu pai, ao tempo que continuaba os seus estudos de matemáticas e teoloxía.

Malia pasar á posteridade polas súas achegas no campo da matemática, para Napier era esta unha actividade de distracción, mentres que a súa preocupación fundamental era a exexese da Apocalipse, á que se consagrou desde a súa estadía no colexio. Froito deste labor foi a publicación Descubrimentos de todos os secretos da Apocalipse de San Xoán por dous tratados: un que busca e proba a verdadeira interpretación, e outro que aplica ao texto esta interpretación parafrástica e historicamente. A orixinalidade do seu estudo é a aplicación do formalismo matemático na argumentación, de xeito que, admitindo certos postulados, chega a demostrar as súas proposicións. Entre elas, Napier prediciu a fin do mundo para os anos 1668 a 1700. ^{[Cómpre referencia]}

En 1614 Napier publica a súa obra Mirifici Logarithmorum Canonis Descriptio, ejusque usus in utroque Trigonometria; ut etiam in omni logistica mathematica, amplissimi, facillimi, et expeditissimi explicatio, na que dá a coñecer os logaritmos que el chamou números artificiais. Nesta obra promete unha explicación que a morte lle impediu publicar, mas que foi engadida polo seu fillo Robert na segunda edición publicada en 1619.

Grazas a estes números as multiplicacións poden substituírse por sumas, as divisións por restas, as potencias por produtos e as raíces por divisións, o que non só simplificou enormemente a realización manual dos cálculos matemáticos, senón que permitiu realizar outros que sen a súa invención non terían sido posíbeis.

En 1617 apareceu a súa obra Rabdologiæ seu numerationis per virgulas libri duo: cum appendice expeditissimo multiplicationis promptuario, quibus accesit et arithmeticæ localis liber unus, na que describe o ábaco neperiano.

Véxase tamén

Bibliografía

• Diccionario Enciclopédico Hispano-Americano, Montaner i Simon (1893).

Ligazóns externas

• Mirifici ... Libro primeiro, ed. 1616 (tradución inglesa).

---

Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---