Categoría Primera A

Categoría Primeira A
Fundación	1948
Rexión	Colombia
Equipos	18
Actual campión	Deportivo Cali (9º)
Máis laureado	Millonarios FC (14) Atlético Nacional (14)
Sitio web	Páxina oficial

A Categoría Primeira A é a primeira división da liga profesional de fútbol que se disputa en Colombia, organizada pola División Mayor del Fútbol Colombiano "Dimayor", que pertence á Federación Colombiana de Fútbol.

A primeira edición do campionato colombiano disputouse no ano 1948, composta por 12 equipos; con 2 equipos de Bogotá, 2 de Cali, 2 de Medellín, 2 de Manizales, 1 de Barranquilla e 1 de Pereira; resultando campión o Santa Fe CD de Bogotá. Dende 1948 ate 2011 14 clubs teñen acadado polo menos 1 título de campión, sendo os máis laureados o Millonarios FC de Bogotá e o Atlético Nacional de Medellín, con 14 títulos cada un. O actual campión é o CPD Junior de Barranquilla.

Dende 2002 dispútanse dous torneos por tempada, Apertura e Finalización, saindo dous equipos campións cada ano. Cada torneo componse por unha tempada regular de 18 xornadas, nas que cada equipo enfróntase unha vez cos outros 17, mais un encontro extra de rivalidade rexional. Trala tempada regular os 8 primeiros equipos da táboa clasificatoria dispútanse o título nas eliminatorias finais. As eliminatorias polo título parten da rolda de cuartos de final, e son a ida e volta, incluída a propia final.

Os equipos campións do torneo Apertura e do torneo Finalización, así como o restante equipo que mais puntos acada na suma dos 2 torneos, teñen dereito a disputar a Copa Libertadores no ano seguinte.

A representación dos equipos da liga colombiana na máxima competición continental ó longo da historia foi pouco salientable. Dende 1960 ate 2011 houbo 9 finais da Copa Libertadores con presencia de equipos desta liga, das cales só 2 remataron coa vitoria colombiana, en 1989 (CDC Atlético Nacional) e 2004 (CD Once Caldas).

Equipos 2012

Estadio Pascual Guerrero de Cali.

Estadio Nemesio Camacho en Bogotá.

Na táboa de equipos que participarán polo título do torneo Apertura 2012 cabe salientar a ausencia do CD América, que descendeu de categoría en 2011.

Equipo	Cidade	Estadio	Capacidade
Atlético Huila	Neiva	Estadio Guillermo Plazas Alcid	27.000
Atlético Nacional	Medellín	Estadio Atanasio Girardot	40.943
Boyacá Chicó	Tunja	Estadio de La Independencia	20.000
Cúcuta Deportivo	Cúcuta	Estadio General Santander	45.000
Deportes Quindío	Armenia	Estadio Centenario	20.716
Deportes Tolima	Ibagué	Estadio Manuel Murillo Toro	31.000
Deportivo Cali	Cali	Estadio Deportivo Cali	55.000
Deportivo Pasto	Pasto	Departamental Libertad	27.380
Envigado FC	Envigado	Estadio Polideportivo Sur	14.000
Independiente Medellín	Medellín	Estadio Atanasio Girardot	40.943
Itagüí Ditaires	Itagüí	Estadio Metropolitano Ciudad de Itagüí	12.000
Junior	Barranquilla	Estadio Metropolitano Roberto Meléndez	46.788
La Equidad	Bogotá	Estadio Metropolitano de Techo	10.000
Millonarios	Bogotá	Estadio Nemesio Camacho El Campín	36.343
Once Caldas	Manizales	Estadio Palogrande	28.678
Patriotas	Tunja	Estadio de La Independencia	20.000
Real Cartagena	Cartagena	Olímpico Jaime Morón León	16.068
Santa Fe	Bogotá	Estadio Nemesio Camacho El Campín	36.343

Palmarés

Na seguinte táboa amósase o palmarés da liga colombiana de fútbol segundo o número de títulos acadados por cada club. No caso de igual número de campionatos obtidos, vai en primeiro lugar o equipo con mais subcampionatos. Así, Millonarios FC ten 9 subcampionatos, mentres CD América ten 7.

Nº Títulos	Equipo	Campionatos obtidos
13	Millonarios FC	1949, 1951, 1952, 1953, 1959, 1961, 1962, 1963, 1964, 1972, 1978, 1987, 1988
13	CD América	1979, 1982, 1983, 1984, 1985, 1986, 1990, 1992, 1996/97, 2000, 2001, Ap.2002, Fi-2008
11	Atlético Nacional	1954, 1973, 1976, 1981, 1991, 1994, 1999, Ap-2005, Ap-2007, Fi-2007, Ap-2011
9	Deportivo Cali	1965, 1967, 1969, 1970, 1974, 1995-96, 1998, Fi-2005, Ap-2015
7	Junior	1977, 1980, 1993, 1995, Fi-2004, Ap-2010, Fi-2011
6	Santa Fe	1948, 1958, 1960, 1966, 1971, 1975
5	Independiente Medellín	1955, 1957, Fi-2002, Ap-2004, Fi-2009
4	Once Caldas	1950, Ap-2003, Ap-2009, Fi-2010
1	Deportes Tolima	Fi-2003
1	Deportes Quindío	1956
1	Deportivo Pasto	Ap-2006
1	Cúcuta Deportivo	Fi-2006
1	Boyacá Chicó	Ap-2008
1	Unión Magdalena	1968

Véxase tamén

Ligazóns externas

• Páxina da División Maior do Fútbol Colombiano (en castelán)