Wikipedia:Eliminación rápida: Diferenzas entre revisións

Na Galipedia, a Wikipedia en galego.
Contido eliminado Contido engadido
Banjo (conversa | contribucións)
Banjo (conversa | contribucións)
Liña 74: Liña 74:
Artigos non en galego ou traducións (manuais ou automáticas) con múltiples erros e que requiren un traballo de tradución e corrección exhaustivo. Polo xeral este tipo de artigos márcase primeiro con algún dos marcadores {{tl|non galego}} ou {{tl|autotrad}}, deixando un tempo razoable para permitir a outros editores arranxar os problemas indicados. De continuar os problemas pasado o período indicado pásase a aplicar este criterio.
Artigos non en galego ou traducións (manuais ou automáticas) con múltiples erros e que requiren un traballo de tradución e corrección exhaustivo. Polo xeral este tipo de artigos márcase primeiro con algún dos marcadores {{tl|non galego}} ou {{tl|autotrad}}, deixando un tempo razoable para permitir a outros editores arranxar os problemas indicados. De continuar os problemas pasado o período indicado pásase a aplicar este criterio.
{{Anchor|A3}}
{{Anchor|A3}}
==== A3. Sen contido ====
==== A3. Sen contido relevante ====
{{Atallo|WP:A3}}
{{Atallo|WP:A3}}
Aplica para artigos (distintos de [[Wikipedia:Homónimos|páxinas de homónimos]], [[WP:RED|redireccións]] ou redireccións suaves a proxectos irmáns) sen un contido significativo, formados só por ligazóns externas, categorías, seccións "véxase tamén", unha frase mínima semellante ó título, unha pregunta que debería ir na [[WP:AT|taberna]] ou nunha páxina de conversa, comentarios tipo chat, marcadores e/ou imaxes.
Aplica para artigos (distintos de [[Wikipedia:Homónimos|páxinas de homónimos]], [[WP:RED|redireccións]] ou redireccións suaves a proxectos irmáns) sen un contido significativo, formados só por ligazóns externas, categorías, seccións "véxase tamén", unha frase mínima semellante ó título, unha pregunta que debería ir na [[WP:AT|taberna]] ou nunha páxina de conversa, comentarios tipo chat, marcadores e/ou imaxes.
{{Anchor|A4}}
{{Anchor|A4}}

==== A4. Importado nun proxecto irmán ====
==== A4. Importado nun proxecto irmán ====
{{Atallo|WP:A4}}
{{Atallo|WP:A4}}

Revisión como estaba o 25 de outubro de 2016 ás 07:54

A eliminación rápida é unha política da Wikipedia que se aplica a unha serie de casos nos que os administradores poden borrar páxinas inmediatamente sen pasar polo sistema de votacións de páxinas para borrar. Todas aquelas páxinas que cumpran algunha das condicións detalladas nesta páxina poden ser catalogadas para eliminación rápida e ser eliminadas sen demora.

Os administradores deben ter coidado de non borrar páxinas ou ficheiros a non ser que sexan casos obvios. Se unha páxina mantense tras unha votación de borrado, non debería eliminarse desta forma agás que conteña algunha nova violación de dereitos de autoría que se descobra a posteriori da votación ou pase a cumprir algún dos outros criterios de forma non controvertida. Os editores adoitan crear páxinas con varias edicións, polo que os administradores non deberían eliminar sen máis unha páxina que semelle incompleta demasiado cedo trala súa creación inicial.

Calquera pode pedir a eliminación rápida dunha páxina ou ficheiro engadindo o marcador {{lixo}}. Antes de nomear unha páxina para eliminación rápida, considera se pode ser mellorada, reducida a un bosquexo, fusionada con outra, convertida en redirección, revertida a unha revisión previa ou manexada doutra forma. Unha páxina pode cualificar para a eliminación rápida só se tódalas súas revisións cualifican. Os usuarios que nominen unha páxina para a súa eliminación rápida deben especificar que criterio/s cumpre a páxina, e notificar ó creador da páxina ou calquera outro editor que contribuíse nela de forma notable.

As abreviaturas (X1, A3...) empréganse para facer referencia a estes criterios, e indícanse en cada unha das seccións correspondentes. Estas abreviaturas poden resultar confusas para os novos editores ou outros non familiarizados con esta páxina, polo que en moitas situacións pode ser preferible unha simple explicación dos motivos do borrado.

Criterios

Xerais

X1. Lixo

Atallo:
WP:X1

Este criterio aplica para páxinas que consistan só de texto incoherente ou galimatías, sen contido ou historial significativo. Isto non inclúe textos con pobre ortografía, non neutrais, teorías pouco probables, vandalismo ou rumores, textos ficticios, texto coherente noutras linguas ou malas traducións, xa que para esas situacións existe un criterio particular na lista. Non aplica tampouco ás páxinas e subpáxinas de usuario.

X2. Páxina de probas

Atallo:
WP:X2

Aplica a páxinas creadas para facer probas de edición ou calquera outro tipo de probas das funcións da Wikipedia. Aplica a subpáxinas de probas creadas para tal fin nos espazos de nomes principais, pero non aplica á zona de probas en si mesma. Tampouco se aplica nas páxinas e subpáxinas de usuario, nin para modelos válidos pero sen uso.

X3. Vandalismo

Atallo:
WP:X3
Artigo principal: Wikipedia:Vandalismo.

Aplícase este criterio a aquelas páxinas creadas co único proposito de vandalizar, creadas de forma deliberada para comprometer a integridade da Wikipedia.

X4. Recreación dunha páxina borrada tras votación

Atallo:
WP:X4

Aplica a aquelas copias idénticas ou case idénticas, con calquera título, doutras páxinas borradas por medio dunha votación. Non se inclúen neste criterio páxinas que non sexan substancialmente idénticas á versión borrada, páxinas nas que o motivo do borrado argumentado na votación xa non aplique, e contido trasladado ó espazo dun usuario ou páxina de probas para a súa mellora explícita (pero non có simple motivo de eludir a política de borrado).

X5. Eliminación por motivos técnicos

Atallo:
WP:X5

Para tarefas de mantemento non controvertidas, incluíndo:

  • Borrar categorías de mantemento vellas e sen uso.
  • Borrar unha redirección ou outro tipo de páxinas que bloqueen un movemento dunha páxina, para unha fusión ou procedemento semellante. Neste tipo de casos cómpre ter precaución e revisar os historiais para asegurar que se manteñan na páxina correcta cando sexa preciso.
  • Borrar páxinas claramente creadas por erro ou no nome de espazos incorrecto.
  • Calquera outro tipo de mantemento ou tarefa administrativa trivial que requira o borrado temporal ou puntual dunha páxina concreta.

X6. Petición do autor

Atallo:
WP:X6

Aplícase cando un editor fai unha petición de borrado dunha páxina de boa fe e cando dito editor é o único que contribuíu nesa páxina. Este tipo de peticións adoitan ter lugar cando hai un erro no título ou o autor creou a páxina por erro. O blanqueo dunha páxina fóra do espazo de nomes de usuario, categoría ou conversa pode considerarse unha petición de borrado por parte do autor da mesma.

X7. Páxina dependente doutra non existente ou borrada

Atallo:
WP:X7

Exemplos deste criterio inclúen as páxinas de conversa orfas, subpáxinas sen páxina nai, páxinas de ficheiros sen unha imaxe correspondente, redireccións a páxinas non válidas (páxinas que non existen, bucles de redireccións, redirecccións a títulos incorrectos e categorías poboadas por modelos borrados. Exclúe calquera páxina que poida ser útil para a Wikipedia, como conversas de borrado non rexistradas noutro lugar, páxinas de usuario, páxinas de conversa de usuario, arquivos de conversas, conversas de ficheiros existenets en Commons e páxinas que deban moverse a outros lugares. As páxinas de conversa orfas ou subpáxinas sen páxina nai poden marcarse con {{páxina orfa}} para a súa conservación se son relevantes.

X8. Páxina de ataque ou acoso

Atallo:
WP:X8

As páxinas de ataque ou acoso son aquelas que só teñen o proposito de difamar, conteñen ameazas legais ou de calquera outro tipo, teñen a intención de acosar ou intimidar a unha persoa ou conteñen información biográfica sobre unha persoa viva nun ton totalmente negativo e sen fontes que apoien o texto. Estas páxinas deben eliminarse cando non hai unha versión neutral no historial á que se poida reverter. Tanto o título da páxina como o contido poden terse en conta á hora de avaliar o ataque ou acoso. Os artigos sobre persoas vivas borrados baixo este criterio non deben restaurarse ou crearse de novo ata que se cumpran os estándares dos artigos biográficos. As redireccións dende termos de procura plausibles non entran dentro deste criterio (ver WP:RNEUTRAL).

X9. Promoción ou spam

Atallo:
WP:X9

Páxinas que son exclusivamente promocionais e precisarían ser reescritas dende os fundamentos para cumprir as políticas fundamentais. Se un tema particular é notable e o contido pode ser substituído por texto que cumpla o punto de vista neutral, é preferible isto á eliminación. Calquera artigo que describa o tema tratado dende un punto de vista neutral non cualifica para este criterio. Tamén hai que ter en conta que "promoción" non significa necesariamente unha propaganda comercial, pódese facer propaganda de calquera cousa, incluíndo persoas, organizacións, puntos de vista etc.

X10. Violación dos dereitos de autoría

Atallo:
WP:X10

Aplica para páxinas de texto que conteñan material con dereitos de autoría do que non hai unha verificación de que esteñan no dominio público ou baixo unha licenza compatible, e cando non quede texto válido en dita páxina que se poida salvar. Só se debe borrar a páxina se o seu historial está corrupto máis alá de todo arranxo. Se existen versións anteriores sen violación de dereitos deben manterse. Para casos non obvios que non cumpran este criterio (como por exemplo se hai unha licenza dubidosa na fonte, cando se mesturan edicións de texto libre có texto con dereitos ou cando só hai unha violación parcial ou cambios mínimos no texto con dereitos), o artigo ou sección particular debe marcarse con {{Copyvio|fonte do texto con dereitos de autoría}}. O contido no dominio público e outros contidos libres, como espellos da Wikipedia, non entran dentro deste criterio. Tampouco entra neste criterio a falta de atribución do texto. Para imaxes e ficheiros multimedia consulta o criterio equivalente.

X11. Mensaxe de sistema definida en TranslateWiki

Atallo:
WP:X11

Aplica só para as mensaxes de sistema do espazo de nomes MediaWiki que non esteñan personalizadas no proxecto local, empregando no seu lugar a mensaxe por defecto definida no TranslateWiki.

Artigos

A1. Sen contexto ou relevancia enciclopédica

Atallo:
WP:A1

Aplica para aqueles artigos moi curtos que non conteñan un contexto suficiente para identificar o suxeito do artigo. Exclúe contido coherente noutras linguas ou traducións con múltiples erros e incompletas. Se a información do título ou contido, incluíndo ligazóns, permite a un editor engadir máis información sobre o tema para expandir o artigo a aplicación deste criterio non é axeitada. Tamén se aplica este criterio para aqueles artigos curtos sobre persoas, animais individuais, organizacións, obras, eventos ou contido web que non sexan significativos e non estean apoiados por fontes fiables que permitan a súa verificabilidade.

A2. Texto noutra lingua ou tradución automática con numerosos erros

Atallo:
WP:A2

Artigos non en galego ou traducións (manuais ou automáticas) con múltiples erros e que requiren un traballo de tradución e corrección exhaustivo. Polo xeral este tipo de artigos márcase primeiro con algún dos marcadores {{non galego}} ou {{autotrad}}, deixando un tempo razoable para permitir a outros editores arranxar os problemas indicados. De continuar os problemas pasado o período indicado pásase a aplicar este criterio.

A3. Sen contido relevante

Atallo:
WP:A3

Aplica para artigos (distintos de páxinas de homónimos, redireccións ou redireccións suaves a proxectos irmáns) sen un contido significativo, formados só por ligazóns externas, categorías, seccións "véxase tamén", unha frase mínima semellante ó título, unha pregunta que debería ir na taberna ou nunha páxina de conversa, comentarios tipo chat, marcadores e/ou imaxes.

A4. Importado nun proxecto irmán

Atallo:
WP:A4

Artigos que só conteñen unha definición de dicionario que xa foron importados no Galicionario, unha fonte primaria que xa foi importada no Galifontes, unha páxina de citas importada no Galicitas ou calquera artigo de calquera temática que tras unha votación para borrar obtivera un resultado de mover a outra páxina ou proxecto, cando o movemento ou proceso de importación foi completado.

A5. Duplicado

Atallo:
WP:A5

Aplica a artigos de creación recente que non teñen un historial relevante e duplican un tema xa existente noutro artigo da Wikipedia, sen expandilo ou achegar máis información ou detalles sobre dito tema, e cando o título non é unha posible redirección. Se o título é un termo razoable para o tema, converter o novo artigo a unha redirección pode ser preferible ó seu borrado.

A6. Falsidades, contido inventado, rumores

Atallo:
WP:A6

Aplica a artigos claramente falsos ou inventados sobre temas ou individuos inventados, teorizados ou descubertos polo creador do artigo ou outra fonte primaria, así como a claros rumores e falsidades sobre calquera tema, que non fornecen probas da súa credibilidade e verificabilidade.

Redireccións

Artigo principal: Wikipedia:Redireccións.
Atallo:
WP:R1

R1. Redirección entre espazo de nomes

Redireccións, sen contar os atallos, dende o espazo de nomes principal cara outro espazo de nomes.

R2. Redirección innecesaria

Atallo:
WP:R2

Redireccións de recente creación dende títulos con erros pouco comúns ou probables ou títulos completamente errados que non fornecen unha axuda a navegación e procura do artigo ou páxina á que apuntan.

R2. Redirección crebada

Atallo:
WP:R3

Redireccións que apuntan cara artigos borrados ou non existentes, cando non hai un título alternativo ó que deban reapuntarse.

Ficheiros

Atallo:
WP:F1

F1. Redundante

Aplica para ficheiros duplicados doutros, que non teñan uso e/ou sexan copias de menor calidade ou resolución doutro ficheiro da Wikipedia, co mesmo formato de ficheiro. Isto non inclúe ós ficheiros presentes en Commons.

Atallo:
WP:F2

F2. Corrupto, baleiro ou faltante

Ficheiros que estean corruptos, páxinas de ficheiros sen o propio ficheiro, ficheiros baleiros, ou páxinas de descrición de ficheiros cargados en Commons que tan só conteñan información local non necesaria (sen ter en conta os meta-datos).

F3. Licenza non válida

Atallo:
WP:F3

Ficheiros nos que se indiquen licenzas ou permisos non compatibles coa licenza CC-BY-SA da Wikipedia, como por exemplo "sen uso comercial" (incluíndo licenzas Creative Commons NC), "sen derivados", "usado co permiso de" ou "uso exclusivo na Wikipedia".

F4. Sen información de licenza

Atallo:
WP:F4

Aplica para aqueles ficheiros que non teñen a información de licenza necesaria para verificar o seu estado de dereitos de autoría. Estes ficheiros poden borrarse tras un período de tempo após da súa identificación se a información requirida non se engade. Os administradores deben revisar o resumo da carga, información e meta-datos do ficheiro e a propia imaxe na procura dunha licenza antes de proceder coa eliminación do ficheiro baixo este criterio.

F5. Sen información de orixe

Atallo:
WP:F5

Aplica para aqueles ficheiros que non teñen a información de orixe necesaria para verificar o seu estado de dereitos de autoría. Estes ficheiros poden borrarse tras un período de tempo após da súa identificación se a información requirida non se engade. Os administradores deben revisar o resumo da carga, información e meta-datos do ficheiro e a propia imaxe na procura dunha licenza antes de proceder coa eliminación do ficheiro baixo este criterio.

F6. Sen orixe nin licenza

Atallo:
WP:F6

Aplica para aqueles ficheiros que non teñen a información de orixe e licenza necesarias para verificar o seu estado de dereitos de autoría. Estes ficheiros poden borrarse tras un período de tempo após da súa identificación se a información requirida non se engade. Os administradores deben revisar o resumo da carga, información e meta-datos do ficheiro e a propia imaxe na procura dunha licenza antes de proceder coa eliminación do ficheiro baixo este criterio.

F7. Dispoñible en Commons

Atallo:
WP:F7

Imaxes que están dispoñibles en Commons, sempre e cando cumpran as seguintes condicións:

  • A versión de Commons ten o mesmo formato de ficheiro e sexa de igual ou maior calidade/resolución.
  • A licenza e fonte da versión de Commons está fóra de toda dúbida, e a licenza sexa válida para Commons. Para asegurar que o ficheiro non se elimine en Commons, o ficheiro alí debe ter:
    • Nome e data da morte do creador da obra artística representada polo ficheiro, ou proba evidente dunha licenza libre. De ser autor anónimo cómpre asegurarse que a páxina da descrición probe o estado como tal.
    • País onde se localiza a obra representada, ou onde se publicou por primeira vez.
    • Data de creación ou primeira publicación da obra artística representada, dependendo da lei de dereitos de autoría do país de orixe.
  • Toda a información da descrición do ficheiro está presente na páxina de descrición de Commons, incluíndo historial de carga con ligazón á páxina de usuario do que cargou a imaxe orixinal localmente.
    • Se hai información non relevante para outros proxectos, como categorías ou marcas de destaque, a páxina de descrición do ficheiro debe recuperarse localmente tralo borrado mantendo só ditas categorías ou marcas.
  • Se a imaxe está dispoñible en Commons baixo un nome distinto do local, as referencias locais á imaxe deben actualizarse para apuntar ó nome do ficheiro en Commons.
  • A imaxe local non está protexida. As imaxes protexidas non deben eliminarse, aínda se existe unha copia idéntica en Commons. Este tipo de imaxes manteñense localmente por motivos de uso na interface ou en marcadores de alto risco.

F8. Violación dos dereitos de autoría

Atallo:
WP:F8

Aplica ós casos obvios nos que o ficheiro ou imaxe non é libre ou non existe unha afirmación ou indicación creíble de posuír unha licenza compatible coa Wikipedia. A URL ou orixe do ficheiro debe mencionarse no momento da eliminación. As infraccións claras poden etiquetarse co marcador {{copyvio}}, mentres que as que presenten dúbidas deben revisarse nunha votación para o seu borrado.

Categorías

C1. Categoría baleira ou sen uso

Atallo:
WP:C1

C2. Categoría movida ou renomeada

Atallo:
WP:C2

Páxinas de usuario

U1. Petición do usuario

Atallo:
WP:U1

U2. Usuario non existente

Atallo:
WP:U2

U3. Uso incorrecto da páxina de usuario

Atallo:
WP:U3

Modelos

M1. Modelo sen uso aparente

Atallo:
WP:M1

M2. Modelo duplicado

Atallo:
WP:M2