Jilin

Jilin
Provincia de China

Capital	Changchun (3,341.000 hab.)
Área	187.400 km²
Poboación	27,462.297 hab.
Densidade	146 hab./km²

Jilin é unha provincia da República Popular da China situada ao nordeste do país, limita con Corea do Norte e Rusia ao leste, Heilongjiang ao norte, Liaoning ao sur, e Mongolia Interior ao oeste. No ano 2010 tiña unha pobación de 27 462 297 habitantes.

O topónimo "Jilin" podería vir de Girin ula, un termo manchú que se traduce como "ao longo do río", transcrito como Jilin wula (T: 吉林烏拉 / S: 吉林乌拉) ao chinés, e simplificado como Jilin, que literalmente en chinés é "bosque auspicioso".

Xeografía

A zona de maior altitude de Jilin atópase no sueste, descendendo lenemente cara ao noroeste. Nas Montañas Changbai, na zona suroriental, sitúase o cumio máis alto da provincia, o monte Baiyun (2.691 metros). Outras cadeas montañosas son Jilinhada, Zhang Guangcai e Longgang. En Jilin hai diversas concas fluvials: as dos ríos Yalu e Tume (que forman a fronteira entre China e Corea do Norte no suroeste, as de diversos afluentes do río Liao na fronteira meridional e dos ríos Songhua e Nen, que desembocan no río Amur. O clima é continental monzónico con invernos longos e moi fríos e veráns curtos e cálidos. A temperatura media do mes de xaneiro obscila entre -20 °C e -14 °C. As precipitacións son escasas, cunha media de 350–1000 mm

División Administrativa

Jilin divídese en 8 prefecturas e 1 prefectura autónoma.

• Changchun (长春市 : Chángchūn shì)
• Cidade de Jilin (吉林市 : Jílín shì)
• Siping (四平市 : Sìpíng shì)
• Liaoyuan (辽源市 : Liáoyuán shì)
• Tonghua (通化市 : Tōnghuà shì)
• Baishan (白山市 : Báishān shì)
• Songyuan (松原市 : Sōngyuán shì)
• Baicheng (白城市 : Báichéng shì)
• Prefectura Autónoma Coreana de Yanbian (延边朝鲜族自治州 : Yánbiān Cháoxiǎnzú Zìzhìzhōu)

Demografía

Grups étnicos de Jilin, censo de 2000
Nacionalidade	Poboación	Percentaxe
Chineses han	24,348,815	90.85%
coreanos	1,145,688	4.27%
Manxús	993,112	3.71%
Mongois	172,026	0.642%
Hui	125,620	0.469%

Excluídos militares en servizo activo.

Historia

Na antigüídade habitaban Jilin diversos pobos, como os Mohe e os Wuji. O reino de Balhae establecuse na zona o ano 698 e perdurou ata o 926, caendo sucesivamente nas mans da dinastía Liao dos Khitan, a Jin dos Jurchen e a Yuan dos mongois. Durante a dinastía Qing gran parte da zona estaba baixo o control do xeneral de Jilin, que gobernaba ata o Mar do Xapón. Nesta época a inmigración han estaba estritamente controlada, o que vai mudar despois da cesión a Rusia de Primorie. O goberno Qing comezou a abrir a zona aos inmigrantes han, a maioría procedentes de Shandong, e ao comezar o século XX eran a etnia dominante na rexión. En 1932, Jilin incorporouse ao estado do Manchukuo que tiña como capital Changchun. Despois da derrota do Xapón en 1945 a rexión foi liberada polos soviéticos para os comunistas chineses, que a utilizaron como plataforma para ocupar o resto da China.

En 1949, a provincia de Jilin era moito máis pequena, abranguendo tan só os arredores de Changchun e a cidade de Jilin, onde estaba a capital. Nos anos cincuenta ampliouse ata a súa extensión actual. Durante a Revolución Cultural ampliouse de novo para incluír parte da Mongolia Interior, ata a fronteira con Mongolia, aínda que este cambio non durou moito.

Véxase tamén

Ligazóns externas

• Goberno provincial de Jilin (en chinés), (en coreano), (en inglés), (en ruso), (en xaponés)

`