Cidade estado

Unha cidade-estado é unha rexión soberana controlada exclusivamente por unha cidade, un estado composto únicamente dunha cidade. Actualmente os seguintes estados son considerados cidades-estados:

• Singapur
• Cidade do Vaticano
• Principado de Mónaco

As primeiras cidades-estado (polis) formaban ligas na Grecia clásica. Por exemplo, a liga espartana e a liga ateniense eran conxuntos de cidades que tomaban partido por unha das dúas cidades en guerra (neste caso Atenas ou Esparta). Politicamente independentes, uníanse no esforzo bélico para resolve-las súas disputas. No caso dunha ameaza ó conxunto de polis, uníanse todas contra o invasor extranxeiro como, por exemplo, a liga do Peloponeso contra os persas medos nas Guerras Médicas.

Estas cidades-estado formaban parte de áreas culturais máis amplas, como a antiga Grecia, as cidades fenicias de Canaa (como Tiro e Sidón), asmaias da Mesoamérica pré-colombina (como Chichen Itza e El Mirador, as da Asia central que bordeaban a Rota da Seda (como Samarcanda e Bucara) ou o norte de Italia (como Florencia e Venecia).

As cidades-estado teñen contribuído ao desenvolvemento da civilización nunha medida enormemente desproporcionada en comparación co seu tamaño. Algúns dos períodos máis creativos da historia humana son aqueles nos que a humanidade se organizaba en pequenos centros independentes. Porén, estas entidades sobrevivían durante períodos de tempo breves debido ao seu tamaño e poder de defenderse contra outras entidades maiores. Por outra banda, o seu éxito ao coexistir como partes desunidas dunha unidade xeográfica e cultural laxa, como en Italia ou Grecia, actuaba como barreira para a creación de unidades nacionais de maior permanencia. En consecuencia, daban paso a formas de organización social máis amplas, o imperio e finalmente a nación-estado.