Glande do pene: Diferenzas entre revisións
Axustes nunha nota. |
Engadiuse outro artigo relacionado. |
||
| Liña 20: | Liña 20: | ||
* [[Infección de transmisión sexual|Infeccións de transmisión sexual]] |
* [[Infección de transmisión sexual|Infeccións de transmisión sexual]] |
||
* [[Prepucio]] |
* [[Prepucio]] |
||
* [[Pene]] |
|||
== Notas == |
== Notas == |
||
Revisión como estaba o 15 de setembro de 2016 ás 09:57
O glande ou bálano é a porción terminal do pene cuberta polo prepucio e formada pola ampliación do corpo esponxoso, no extremo anterior da cal desemboca a uretra[1][2]. Adoita ser de cor avermellada ou rosada.
Anatomía
O glande é xeralmente un pouco máis groso que o corpo do pene e ten unha textura lisa. A súa cor pode variar segundo a cor da pel do individuo. Nas persoas de pel branca, adoita ser rosado ou avermellado, mentres que nas persoas de pel escura é violáceo. A superficie do glande está moi poboada de terminacións nerviosas. Debido a isto, o glande é extremadamente sensitivo ao tacto, nomeadamente arredor do seu bordo, e por tal razón é unha fonte importante de pracer sexual para o home.
Desde xa antes do nacemento, o glande está cuberto por un repregamento de pel móbil, chamado prepucio, que se retrae para deixar o glande descuberto cando o pene está erecto. O prepucio pode ser extirpado mediante a circuncisión por motivos médicos ou relixiosos. Na cara inferior do pene, o glande está unido ao prepucio por un pregamento de tecido denominado freo do prepucio.
O glande é atravesado pola uretra e contén a desembocadura ou apertura externa desta, o meato urinario, o orificio por onde se expulsan os ouriños, ou o seme na exaculación.
A coroa do glande é o relevo ou rebordo, en forma de chapeu, situado na base do glande, e normalmente ten unha cor máis intensa que o resto do glande.[3] A presenza de pequenas protuberancias na coroa do glande, denominadas pápulas perladas, considérase completamente normal. O tamaño e a cantidade das pápulas son variables; en moitos casos son case imperceptibles, mentres que noutros poden ser significativamente notorias e numerosas, causando molestia estética. As pápulas perladas poden ser confundidas coas espullas producidas polo virus do papiloma humano, polo que se recomenda consultar un médico para recibir un diagnóstico apropiado, se se sospeita dunha infección.[4]
Hixiene
Débese retraer o prepucio con regularidade para limpar o esmegma que se forma sobre o glande e o suco balanoprepucial.
Véxase tamén
Outros artigos
Notas
- ↑ Entrada "glande" no Dicionario Galego de Termos Médicos. Real Academia de Medicina e Cirurxía de Galicia. Santiago de Compostela, 2002. [ISBN: 84-453-3371-2]
- ↑ Entrada glande no dicionario en liña da Real Academia Galega.
- ↑ Latarjet, Michel; Ruiz Liard, Alfredo. «123». Anatomía Humana 2 (4a edición). Bos Aires. Médica Panamericana, 2008. Páxinas 1.590 a 1.591. [ISBN 978-950-06-1369-9]
- ↑ Wein, Alan; et al. «13». Campbell-Walsh Urología 1 (9ª edición). Bos Aires. Médica Panamericana, 2008. Páxinas 431 a 432. [ISBN 978-950-06-8267-1]