Baía de Baiona: Diferenzas entre revisións
m engado a Categoría:Rías galegas mediante HotCat |
Sen resumo de edición |
||
Liña 16: | Liña 16: | ||
== Notas == |
== Notas == |
||
{{Listaref|30em}} |
{{Listaref|30em}} |
||
== Véxase tamén == |
|||
=== Outros artigos === |
|||
* [[Val Miñor]] |
|||
[[Categoría:Ría de Vigo]] |
[[Categoría:Ría de Vigo]] |
Revisión como estaba o 7 de setembro de 2016 ás 07:30
Coordenadas: 42°07′55.98″N 8°49′59.69″O / 42.1322167, -8.8332472
A baía de Baiona, tamén denominada ría de Baiona,[1][2][3][4][5][6] é unha enseada pequena que situada na marxe sur e exterior da ría de Vigo. Márcaa cabo Silleiro[Cómpre referencia] ó oeste, e a península de Monteferro ó leste. Ten 3.6 km de longo e 3.6 km. de ancho. A súa profundidade é de 20 m. A boca da baía ten entrada directa dos ventos do sur e suroeste, e que máis dominan en inverno, e das ondas. Porén, a baía está protexida dos ventos que predominan no verán. Na baía hai dúas rexións diferenciadas. Unha é a parte exterior e central, que son as máis expostas as ondas. A outra é a barreira-lagoon da Ramallosa: unha plataforma protexida por unha barreira areosa e á que chegan augas doces dos ríos Miñor, A Groba e Belesar. Os solos da baía son areosos e van da area fina á area grosa[7]. Na baía están todas as praias de Baiona: Cuncheira, dos Frades, da Barbeira, da Ribeira, Santa Marta e Ladeira e a maioría das de Nigrán: Praia América, Praia de Panxón, Madorra, Area Fora, Arribas Brancas e Portocelo.
Conta cun peirao na parte occidental construído nos anos 1970 [8]. A baía emprégase para pesca con cana e actividades de lecer.
Xeografía
Os principais accidentes costeiros desde oeste a leste son cabo Silleiro, a enseada do Baleal ou dos do Peito Ancho, a península de Monterreal ou de Monteboi, a península de Santa Marta (Baíña), frecha litoral da Ladeira, A Ramallosa (incluído na rede Natura 2000) , desembocadura do río Miñor, península de Monte Lourido (co illote da Garza e a punta da Enredada), Canido, península de Monteferro e as Illas Estelas.
Historia
Nas súas augas, atópase o porto de Baiona. O que foi un dos máis importantes, na que no século XVI xunto co porto da Coruña eran os únicos portos galegos que podían comerciar co exterior.[9] Atopáronse nos fondos da baía máis de 35 mil restos de cerámica, ánforas, lanzas, utensilios de embarcacións, canóns e outras armas e outros dos séculos XVI e XIX. Algunhas desas pezas están expostas na Casa da Navegación.[10] Agárdase seguir descubrir máis restos deste período histórico [11][12]. Tirando cara a cabo Silleiro, a costa faise máis escarpada. Onde se producen naufraxios como o dos do Peito Ancho (La Regente), O Cunichán (Collingham) ou o ABC.
A embarcación típica é a gamela.[13]
Notas
- ↑ "Baiona". Diccionario enciclopédico galego universal 7. La Voz de Galicia. 2003-2004. p. 44. ISBN 84-7680-429-6.
…A rede fluvial está dominada pola presenza do río Miñor, que forma a ría de Baiona…
- ↑ "Véxase a "Ría de Baiona" no mapa de Baiona". Diciopedia do século 21 1. Do Cumio, Galaxia e do Castro. 2006. p. 260.
- ↑ Enciclopedia Galega Universal 2. Ir Indo. 1999-2002. p. 497. ISBN 84-7680-288-9.
…A rede fluvial está dominada pola presenza do río Miñor, que forma a ría de Baiona…
- ↑ "Baiona". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Ría pontevedresa na que desemboca o río Miñor a partir da Ramallosa…
- ↑ Santa María, Inés e Massó, Noé (2009). "Ría de Baiona". Atlas xeográfico e histórico de Galicia e do Mundo. Do Cumio. p. 106 C2. ISBN 978-84-8289-328-0.
- ↑ Mapa Topográfico Nacional. WMTS de cartografía raster del IGN (Mapa). 1:25.000. Instituto Geográfico Nacional de España.
- ↑ Alejo I, Austin WEN, Francés G, Vilas F (1999). Preliminary investigations of the recent Foraminifera of Baiona Bay, N.W. Spain. Journal of Coastal Research 15: 413-427.
- ↑ Alejo, I e Vilas, F. Sedimentary environments of the Biona Basin (Pontevedra). Cuaderno Lab, Xeolóxico de Laxe Coruña, 1987. Vol 12 pp. 11-24
- ↑ María del Carmen Saavedra Vázquez - USC. "El comercio marítimo de Baiona en la segunda mitad del siglo XVI". Consultado o 28/10/2014.
- ↑ Inventario de materiais e inventario de pezas arqueolóxicas do proxecto, 2014, Deputación de Pontevedra (en castelán).
- ↑ Neli Pillado - Faro de Vigo. "Nuevo hallazgo arqueológico en el fondo de la bahía de Baiona con miles de piezas.". Consultado o 28/10/2014.
- ↑ M. Torres / A. Martínez (28/3/2008). "Descubren en Baiona el mayor yacimiento submarino de Galicia". La Voz de Galicia.
- ↑ Xosé Lois Vilar Pedreira (Instituto de Estudos Miñoranos), Os nomes do mar de Baiona e Panxón (2008)