Permeabilidade magnética

Comparación sinxela de permeabilidades para: ferromagnetos (μ_f), paramagnetos (μ_p), diamagnetos (μ_d) e o baleiro (μ₀).

En física chámaselle permeabilidade magnética á capacidade dunha substancia ou medio para atraer e facer pasar ó seu través campos magnéticos. Ven dada pola relación entre a indución magnética existente e a intensidade do campo magnético que aparece no interior do material.

A magnitude así definida, o grao de magnetización dun material en resposta a un campo magnético, é a permeabilidade absoluta e represéntase polo símbolo μ:

$\mu ={\frac {B}{H}},$

onde B é a indución magnética (densidade de fluxo magnético) no material, e H a intensidade do campo magnético.