Tareixa, condesa de Portugal

Tareixa
Condesa de Portugal
Nacemento	c. 1080
Falecemento	11 de novembro de 1130
Sepultura	Catedral de Braga, Braga (Portugal)
Cónxuxe/s	Henrique de Borgoña
Descendencia	Urraca Henriques Sancha Henriques Tareixa Henriques Henrique Henriques Afonso I
Proxenitores	Afonso VI Ximena Muñiz
Na rede

Tareixa de León, nada cara a 1080 e finada o 11 de novembro de 1130, foi a primeira condesa de Portugal. Foi filla do rei Afonso VI e da aristócrata berciana Ximena Muñiz.

Existe controversia sobre o lugar do seu nacemento que puido ser no mosteiro de Montederramo (Galicia) ou na vila de Póvoa de Lanhoso (actual Portugal). Durante a súa infancia criouse na casa condal berciana, onde Tareixa pasou a maior parte da súa infancia xunto coa súa irmá Xeloria (Elvira).

Casamento e goberno do condado de Portugal

En 1093 Tareixa foi prometida por decisión paterna a un afamado cruzado borgoñón, Henrique de Chalón ou Borgoña, que combatera nas filas do rei Afonso VI en diferentes campañas militares. A pesares da diferenza de idade -Tareixa contaba tan só con trece anos mentres que Henrique tiña 24- o rei deulles como dote o condado galego de Portugal, que abarcaba as terras entre o río Miño e o Vouga, e que a partir do ano 1096, se estendería até o Texo, englobando tamén ao condado de Coimbra.

Relación con Fernán Peres de Trava e Urraca

Atacada polas forzas da súa media-irmá, a raíña Urraca de León e Castela, retrocederon as terras de Tereixa desde a marxe esquerda do río Miño, derrotadas e dispersas, ata que a propia Tereixa refuxiouse no Castelo de Lanhoso, onde sufriu o cerco que lle foi imposto por Urraca (1121). Aínda que en posición de inferioridade, a condesa conseguiu negociar o Tratado de Lanhoso, polo cal conseguiu salvar o seu goberno do Condado Portucalense.

Conflitos co seu fillo Afonso

A súa alianza e conexión co galego Fernando Pérez, conde de Traba, puxo contra ela os nobres portucalenses e ao seu propio fillo. Na minoría de Afonso Henriques, Teresa rexeitou entregarlle o control da herdanza paterna. En breve nai e fillo entraron en conflito aberto, sendo as forzas da nai derrotadas na batalla de San Mamede en 1128.

Obrigada dese modo a deixar a gobernación, algúns autores defenden que foi detida polo propio fillo no castelo de Lanhoso, outros que se exiliou nun convento de Póvoa de Lanhoso, onde faleceu en 1130. Modernamente, con todo, arguméntase que, logo da batalla e xa en fuga, ela e o conde Fernando Pérez foron aprisionados e inmediatamente expulsados de Portugal. A condesa sobreviviu ao desastre, falecendo en Galicia a finais de 1130.

Os seus restos mortais foron traídos máis tarde para a catedral de Braga, onde aínda hoxe repousan xunto á tumba do seu primeiro marido, o conde Henrique de Borgoña.

Tareixa, condesa de Portugal Dinastía Ximena Nacemento: 1080 Falecemento: 11 de Novembro 1130
Outros títulos Nobiliarios
Precedido por Nuno II Mendes Último conde de Portucale	Condesa de Portugal 1093 – 1130 xunto con Henrique (1093 - 1112) xunto con Afonso (1112 - 1139)	Sucedido  por Afonso Henriques

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---