Austrasia: Diferenzas entre revisións

Na Galipedia, a Wikipedia en galego.
Contido eliminado Contido engadido
lig int
Sen resumo de edición
Liña 1: Liña 1:
{{sen referencias|data=xuño de 2016}}
[[Ficheiro:Frankish Domains at Time of Charles Martel.gif|dereita|miniatura|Neustria e Austrasia]]
[[Ficheiro:Frankish Domains at Time of Charles Martel.gif|dereita|miniatura|Neustria e Austrasia]]
'''Austrasia''' (''Austrasie'' en [[lingua francesa|francés]] e ''Austrasien'' en [[lingua alemá|alemán]]) é o nome baixo o que se coñece a parte nororiental do [[Reino Franco]] durante o período dos reis [[merovinxios]], en contraposición a [[Neustria]] que era a parte noroccidental.
'''Austrasia''' (''Austrasie'' en [[lingua francesa|francés]] e ''Austrasien'' en [[lingua alemá|alemán]]) é o nome baixo o que se coñece a parte nororiental do [[Reino Franco]] durante o período dos reis [[merovinxios]], en contraposición a [[Neustria]] que era a parte noroccidental.

Revisión como estaba o 20 de xuño de 2016 ás 10:27

Ficheiro:Frankish Domains at Time of Charles Martel.gif
Neustria e Austrasia

Austrasia (Austrasie en francés e Austrasien en alemán) é o nome baixo o que se coñece a parte nororiental do Reino Franco durante o período dos reis merovinxios, en contraposición a Neustria que era a parte noroccidental.

Clodoveo I o Grande, rei dos francos, dispuxo que o seu reino fose dividido entre os seus fillos á súa morte. A Clotario I o Vello deulle Neustria, a Teodorico I deulle Austrasia, a Sexismundo deulle Borgoña e a Khildeberto I deulle París. Desde a división do reino franco en 511 ata que Pipino o Breve reunificara o Reino Franco a mediados do século VIII iniciando a dinastía carolinxia, Austrasia foi durante a maior parte do tempo un reino independente con capital en Metz.

Austrasia comprendía territorios do leste da actual Francia, oeste de Alemaña, Bélxica e os Países Baixos. De forma aproximada comprendía as terras situadas nas concas dos ríos Rin, Mosa e Mosela. Ademais de Metz incluía localidades como Reims (que serviu de capital para algúns reis de Austrasia), Colonia ou Tréveris. A súa influencia prolongábase cara ao leste chegando a Turinxia e Baviera.

Desde a creación do reino en 511, Austrasia estivo constantemente envolvida en disputas coa súa veciña Neustria. Estas disputas alcanzaron o seu clímax coas guerras que enfrontaron á raíña Bruniquilda de Austrasia e a raíña Fredegunda de Neustria. En 613 unha rebelión da nobreza contra Bruniquilda depuxo á raíña e entregouna, xunto co reino, ao rei Clotario II de Neustria, que reunificou ambos reinos e creo un Reino Franco unido gobernado desde París.

Co debilitamento da influencia real en Austrasia, o posto de Mordomo de Palacio converteuse no auténtico poder fáctico do reino e converteuse en hereditario dentro da familia carolinxia. Desde que os carolinxios depuxeron ao último rei merovinxio, Austrasia non volveu formar un reino separado. Baixo os sucesores de Carlomagno recibía o nome de Austrasia a parte oriental do Imperio, a futura Alemaña.

Duques e Reis de Austrasia

Mordomos de Austrasia

En 751 Pipino o Breve proclámase rei derrocando ao último rei merovinxio e establecendo a dinastía carolinxia. Desaparece o cargo de Mordomo de Palacio, que antes ostentaba.

Véxase tamén

Outros artigos