Taxon monotípico: Diferenzas entre revisións
Sen resumo de edición |
|||
| Liña 1: | Liña 1: | ||
''Monotípico redirixe aquí.'' |
:''Monotípico redirixe aquí.'' |
||
En [[bioloxía]], un '''taxon monotípico''' é un grupo [[taxonomía|taxonómico]] ([[taxon]]) que contén só un taxon inmediatamente subordinado.<ref>Mayr E, Ashlock PD. (1991). ''Principles of Systematic Zoology'' (2nd ed.). McGraw-Hill. ISBN 0-07-041144-1</ref> Aínda que o termo parece indicar que un taxon ten un só espécime [[tipo (bioloxía)|tipo]] (sen [[sintipo]]s, [[lectotipo]]s, ou outros tipos) e ningún [[sinonimia (taxonomía)|sinónimo]] heterotípico/junior, ese non é o seu significado. |
En [[bioloxía]], un '''taxon monotípico''' é un grupo [[taxonomía|taxonómico]] ([[taxon]]) que contén só un taxon inmediatamente subordinado.<ref>Mayr E, Ashlock PD. (1991). ''Principles of Systematic Zoology'' (2nd ed.). McGraw-Hill. ISBN 0-07-041144-1</ref> Aínda que o termo parece indicar que un taxon ten un só espécime [[tipo (bioloxía)|tipo]] (sen [[sintipo]]s, [[lectotipo]]s, ou outros tipos) e ningún [[sinonimia (taxonomía)|sinónimo]] heterotípico/junior, ese non é o seu significado. |
||
Revisión como estaba o 24 de abril de 2016 ás 11:14
- Monotípico redirixe aquí.
En bioloxía, un taxon monotípico é un grupo taxonómico (taxon) que contén só un taxon inmediatamente subordinado.[1] Aínda que o termo parece indicar que un taxon ten un só espécime tipo (sen sintipos, lectotipos, ou outros tipos) e ningún sinónimo heterotípico/junior, ese non é o seu significado.
No caso das especies, unha especie monotípica é aquela que non contén subespecies ou grupos menores de taxons infraespecíficos. No caso dos xéneros prefírese ás veces o o termo "uniespecífico".
Na nomenclatura botánica, un xénero monotípico tamén se refire a un caso especial no que se describen simultaneamente un xénero e unha soa especie dese xénero.[2] En Botánica, monotípico úsase máis que monoespecífico co mesmo significado.
Exemplos
Igual que o termo "monotípico" se usa para describir un gran taxon que comprende só unha subdivisión, pódese tamén dicir que o taxon contido é monotípico dentro do taxon grande, por exemplo, un xénero monotípico dentro dunha familia. Algúns exemplos de grupos monotípicos son os seguintes:
- A familia de plantas Cephalotaceae inclúe un só xénero, Cephalotus, e unha soa especie, Cephalotus follicularis.
- O porco formigueiro (Orycteropus afer) é monotípico dentro do seu xénero Orycteropus, que á súa vez é monotípico dentro da familia Orycteropodidae, e esta é monotípica dentro da orde Tubulidentata.
- O papagaio Anodorhynchus hyacinthinus é unha especie monotípica, xa que non se distinguiu ningunha subespecie dentro desta especie.
- O paxaro Panurus biarmicus ten varias subespecies en distintas zonas da súa área de distribución, pero pertence ao xénero Panurus, que segundo o consenso actual se considera monotípico (é o único xénero) dentro da familia Panuridae.
- O peixe Ozichthys albimaculosus, das augas tropicais de Australia e sur de Nova Guinea, é a especie tipo do xénero monotípico Ozichthys.[3]
- A planta anxiosperma Breonadia salicina é a única especie do xénero monotípico Breonadia.
Notas
- ↑ Mayr E, Ashlock PD. (1991). Principles of Systematic Zoology (2nd ed.). McGraw-Hill. ISBN 0-07-041144-1
- ↑ McNeill, J.; Barrie, F.R.; Buck, W.R.; Demoulin, V.; Greuter, W.; Hawksworth, D.L.; Herendeen, P.S.; Knapp, S.; Marhold, K.; Prado, J.; Reine, W.F.P.h.V.; Smith, G.F.; Wiersema, J.H.; Turland, N.J. (2012). International Code of Nomenclature for algae, fungi, and plants (Melbourne Code) adopted by the Eighteenth International Botanical Congress Melbourne, Australia, July 2011. Regnum Vegetabile 154. A.R.G. Gantner Verlag KG. ISBN 978-3-87429-425-6. articles 38.5 and 38.6
- ↑ Fraser, T.H. (2014). A new genus of cardinalfish from tropical Australia and southern New Guinea (Percomorpha: Apogonidae). Zootaxa 3852(2): 283–293.