Estado de Campeche

Para outras páxinas con títulos homónimos véxase: Campeche.

Modelo:Primeira entidade subestatal Campeche é un dos 31 estados mexicanos. Atópase no sueste da Federación, no oeste da Península de Iucatán. Limita cos estados de Iucatán polo nordeste, Quintana Roo polo leste, Tabasco polo suroeste, e máis con Guatemala polo sur e Belize polo sueste. Polo oeste ten o golfo de México. A súa área é de 57.924 km², e a súa poboación de 822.441 habitantes (2010). A capital do estado é a cidade de San Francisco de Campeche, sendo tamén a máis grande.

Desde o punto de vista físico, Campeche atópase nunha posición de transición entre a selva tropical do Petén guatemalteco e a selva baixa caducifolia do extremo norte da península de Iucatán.

Toponimia

Existen diversas teorías acerca da orixe da palabra Campeche, por exemplo que podería vir do maia can pech, "serpente e carracha".

Outros indican que Campeche deriva das palabras kin que significa "sol" e pech, como xa se indicou, "carracha". Algúns supoñen que a este nome (kin pech) se lle pode agregar o prefixo ah que quere dicir "lugar" e en conxunto significaría "lugar do señor sol carracha".

Notas

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---