Quebec (cidade)

Vista da cidade co Chateau de Frontenac ao fondo.

Quebec en 1688.

Quebec é a capital da provincia canadense de Quebec. Conta con 500.691 habitantes (2007) e 720.000 na súa área metropolitana (2006) o que a converte na segunda cidade da provincia por detrás de Montreal.

Historia

Fundou a cidade Samuel de Champlain o 3 de xullo de 1608 como un posto fortificado nas proximidades dun asentamento iroqués abandonado de nome Stadaconé. A fins do século XVII o gobernador Louis de Buade de Frontenac aumenta o territorio fortificado tras a tentativa do almirante inglés William Phips de conquistala, aumentando a súa poboación non militar, por volta de 1763 a vila de Quebec tiña arredor de 8.000 habitantes.

Xeografía

Distritos de Québec e municipios limítrofes.

División territorial

Quebec divídese en seis distritos (arrondissements)

• La Cité–Limoilou
• Les Rivières
• Sainte-Foy–Sillery–Cap-Rouge
• Charlesbourg
• Beauport
• La Haute-Saint-Charles

Estes distritos divídense subdivídense en 35 barrios (quartiers) e mais en 27 distritos electorais.

Enclaves

Dentro do núcleo urbano de Quebec hai tres territorios que administrativamente non pertencen á cidade de Quebec: a vila de L'Ancienne-Lorette, a reserva huronne-wendate de Wendake e o pequeno municipio de parroquia de Notre-Dame-des-Anges.

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---