Persoa

Dúas persoas.

Neno.

Modelo:Outros usos O termo persoa provén do latín persōna, e este probablemente do etrusco phersona ('máscara do actor', 'personaxe'). O concepto de persoa é un concepto principalmente filosófico, que expresa a singularidade de cada individuo da especie humana en contraposición ao concepto filosófico de 'natureza humana' que expresa o común que hai neles.

O significado actual de persoa ten a súa orixe nas controversias cristolóxicas dos séculos IV e V. No transcurso do debate entre as diferentes escolas teolóxicas, desenvolvéronse conceptos até entón non coñecidos. Tratábase de dispor de ferramentas de pensamento filosófico, sobre as que manter un debate intelectual honesto e rigoroso acerca dos dogmas referidos ao Λóγος (Logos: “Palabra”), e que permitisen esclarecer as súas diferenzas ou similitudes con Deus Pai. Para iso a filosofía tomou prestado do teatro grego o termo πρόσωπον [prósôpon], e converteuno nun termo filosófico, definindo ao Λóγος (Logos) como Persoa divina. Por afinidade, o concepto foi posteriormente aplicado ao Espírito Santo, aos anxos e aos homes.

Acepción legal

Segundo o Código civil español, que neste punto é aplicable á comunidade galega, para os efectos civís, só se reputará nacido o feto que teña figura humana e viva vinte e catro horas enteiramente desprendido do seo materno.

Iso significa que os fetos que non teñan figura humana e non vivan 24 horas desde o seu nacemento non son considerados persoas "aos efectos civís". É dicir: non adquiren dereitos, e basicamente non herdan, pois esa é a razón do artigo.

Respecto de que se entenda por figura humana, hai que ter en conta que o dito artigo foi redactado fai século e medio. En calquera caso, que non sexa persoa non significa que non sexa un ser humano

Por outra parte, o artigo 29 do mesmo texto legal expresa que o nacemento determina a personalidade. Porén, o concibido se ten por nacido para todos os efectos que lle sexan favorables, incluíndo tanto os patrimoniais como os políticos (nacionalidade). Este artigo ten sentido en caso de falecemento dun proxenitor antes do seu nacemento do feto.

A personalidade civil extínguese polo falecemento.