Fenarete

Fenarete (en lingua grega: Φαιναρέτη) foi a nai do filósofo grego Sócrates e do seu medio irmán, Patrocles.

Traxectoria

Tivo dous fillos con dous homes diferentes: Sócrates é o fillo que tivo con Sofronisco e Patrocles é o que tivo con Queredemo.

Pouco se sabe sobre a vida de Fenarete. No diálogo platónico Teeteto, Sócrates compara o seu traballo de filósofo co dela de parteira.

Na Memorabilia de Xenofonte, demóstrase a veneración de Sócrates pola súa nai ^{[Cómpre referencia]} na discusión con Lamprocles, o seu fillo máis vello. Sócrates eleva un ton agresivo contra o seu fillo, dicindo:

Estás enfadado con túa nai, malia saberes moi ben que sexa o que sexa o que ela diga, ela non fala non só para facerche mal ningún, senón que ela che desexa máis ben do que ningún ser humano podería desexar.