Peto de ánimas: Diferenzas entre revisións
*na Galicia>en Galicia |
→Véxase tamén: amaño cat. commonscat |
||
Liña 26: | Liña 26: | ||
== Véxase tamén == |
== Véxase tamén == |
||
{{Commonscat|Wayside shrines}} |
{{Commonscat|Wayside shrines in Galicia (Spain)}} |
||
=== Bibliografía === |
|||
* |
|||
=== Outros artigos === |
=== Outros artigos === |
||
* [[Cruceiro]] |
* [[Cruceiro]] |
Revisión como estaba o 27 de abril de 2015 ás 20:37
![](http://upload.wikimedia.org/wikipedia/commons/thumb/7/73/Peto_de_%C3%A1nimas_Aguasantas.jpg/200px-Peto_de_%C3%A1nimas_Aguasantas.jpg)
Os petos de ánimas atópanse en camiños e encrucilladas de toda Galicia e son unha das manifestacións materiais do culto aos mortos, da devoción polas ánimas.
Significado
![](http://upload.wikimedia.org/wikipedia/commons/thumb/3/30/Peto_Bora.jpg/200px-Peto_Bora.jpg)
O seu significado vén da crenza na continuidade da alma despois da morte e da existencia dun paso intermedio para chegar ao ceo, onde se redimen os pecados e faltas cometidas en vida (o purgatorio), moi arraigada na mentalidade popular galega.
Dentro das construcións populares, os petos de ánimas son os que evidencian a importancia do purgatorio. A finalidade destes elementos populares é que os vivos poidan ofrecer esmolas para a salvación das almas en pena que non encontran descanso no purgatorio, e así alcancen a felicidade no ceo. Unha vez liberadas, intercederán por quen fixo a ofrenda. Por tanto, trátase de procurar a salvación dos mortos pero tamén de se asegurar a propia.
Moitos deles foron construídos pola devoción dun fregués ou polos veciños dun lugar. Son moi curiosas as advertencias que se fan no seu nome. Por exemplo, no de Famelga de Aguasantas (Cotobade) lese textualmente: "Un alma tienes y no más, si la pierdes qué harás...". Tamén se invita a recordar os nosos antepasados: "Ave María Purísima. Acordaos de las ánimas de vuestros padres o abuelos o tíos o parientes o amigos". E, noutra parte do oratorio, apréciase esta inscrición: "Rogad por nos, Señor, y socorrednos con vuestros sufragios que nos pidiremos por vos".
Orixe
As almas do purgatorio que son a meirande devoción galega, despois dos santos, de Cristo e da Nai; e, aínda que o culto teña a súa raizame no cerne mesmo do espírito galego, as mostras que se conservan son serodias.
A idea do purgatorio, aumentada e revitalizada a partir do Concilio de Trento (século XVI), fixo que se desenvolvese a práctica da construción destes monumentos populares cunha determinada iconografía. Pero segundo parece, en Galicia é no século XVIII cando se fan a maior parte destes monumentos dedicados ás ánimas; e os máis antigos conservados corresponden ao século XVII.
Localización e dimensións
As encrucilladas aínda inspiran temor aos naturais do país, e a súa causa está en que pervive nas crenzas actuais consideralas como lugar que fora destinado ao enterramento, especialmente dos apartados da comunidade cristiá. De aí a crenza de que polas mesmas vaguen durante a noite as almas dos condenados.
Tanto a súa dimensión como iconografía son variadas, polo que é difícil estabelecer unha morfoloxía xeral, aínda que si se pode indicar que o corpo central do peto está composto por unha cavidade na que normalmente se representa ás ánimas no purgatorio, en relevo ou pintura, e un peto ou hucha para botar as esmolas. Estes elementos veñen a maioría das veces acompañados doutros secundarios: cornixas, pilastras, portiña de ferro etc.
O culto aos petos de ánimas
![](http://upload.wikimedia.org/wikipedia/commons/thumb/6/6e/Redondela%2C_Cesantes_01-02.jpg/220px-Redondela%2C_Cesantes_01-02.jpg)
Tamén é habitual que, ao pasar por diante do peto, se rece unha oración polas benditas ánimas para que poidan saír do purgatorio. Tamén se lles agradece algún favor feito, porque acostuman a axudar aos vivos. Pídeselles axuda para solucionar algún problema e colócanselles flores no seu recordo, pois hai que telas sempre presentes. Ás ánimas, sobre todo, ténselles respecto e non se poden esquecer nunca.
Véxase tamén
![]() |
Wikimedia Commons ten máis contidos multimedia na categoría: Peto de ánimas |