Panteón de Galegos Ilustres: Diferenzas entre revisións
m Cambiei o ano da fundación da Fundación, xa que foi fundada no 1947 e ademais o feito de que actualmente o Patronato Rosalía de Castro recibe o nome de Fundación Rosalía de Castro. |
m Concordancia de Fundación con fundado. |
||
Liña 13: | Liña 13: | ||
Finalmente, en [[1988]] foi enterrado o intelectual e cartógrafo [[Domingo Fontán]], trasladado desde o Cemiterio Xeral de Santiago. Tanto este como Cabanillas soterráronse no chan da capela. |
Finalmente, en [[1988]] foi enterrado o intelectual e cartógrafo [[Domingo Fontán]], trasladado desde o Cemiterio Xeral de Santiago. Tanto este como Cabanillas soterráronse no chan da capela. |
||
O Panteón está ó coidado da [[Fundación Rosalía de Castro]], |
O Panteón está ó coidado da [[Fundación Rosalía de Castro]], fundada en [[1966|1947]]. |
||
==Galería de imaxes== |
==Galería de imaxes== |
Revisión como estaba o 23 de abril de 2015 ás 18:17
Coordenadas: 42°52′58″N 08°32′19″O / 42.88278, -8.53861
O Panteón de Galegos Ilustres atópase na capela lateral esquerda da igrexa do convento de San Domingos de Bonaval, en Santiago de Compostela. A idea foi proposta inicialmente polos emigrantes galegos en Cuba.
Historia e características
Neste lugar descansan os restos de varios personaxes galegos da máxima relevancia. A primeira en ser trasladada alí foi Rosalía de Castro, o 25 de maio de 1891, seis anos despois da súa morte e trasladada desde o cemiterio de Adina (en Iria Flavia, Padrón). O seu mausoleo é obra de Jesús Landeira Iglesias.
O seguinte foi Alfredo Brañas, en 1900, colocado fronte a Rosalía. En 1961 foi enterrado o escultor Francisco Asorey, o chamado escultor da raza, inhumado directamente no Panteón, e o 12 de agosto de 1967, Ramón Cabanillas, que foi trasladado desde o cemiterio de Cambados.
O 28 de xuño de 1984 o Panteón recibiu os restos do político, escritor e debuxante Alfonso Daniel Rodríguez Castelao, que fora trasladado desde Bos Aires onde morreu en 1950. O seu mausoleo atópase nunha capela anexa á principal, a do Santo Cristo, que é a máis antiga da igrexa.
Finalmente, en 1988 foi enterrado o intelectual e cartógrafo Domingo Fontán, trasladado desde o Cemiterio Xeral de Santiago. Tanto este como Cabanillas soterráronse no chan da capela.
O Panteón está ó coidado da Fundación Rosalía de Castro, fundada en 1947.
Galería de imaxes
-
Entrada ao Panteón.
-
Sartego de Castelao.
Véxase tamén
Bibliografía
- FERNÁNDEZ FERREIRO, Xosé: "O Panteón de Galegos Ilustres", en La Voz de Galicia, 29.06.1984.
- Gran Enciclopedia Galega, tomo 34.