Sacos, Cerdedo-Cotobade

Para outras páxinas con títulos homónimos véxase: Sacos.

Santa María de Sacos
Igrexa parroquial.
Concello	Cotobade
Coordenadas	42°30′36″N 8°28′24″O
Área	12,5 km²
Poboación	283 hab. (2006)
Densidade	22,64 hab./km²
Entidades de poboación	5
[ editar datos en Wikidata ]

Santa María de Sacos é unha parroquia que se localiza no norte do concello de Cotobade. Segundo o padrón municipal de 2006 tiña 283 habitantes (129 homes e 154 mulleres), distribuídos en 4 entidades de poboación, o que supón un aumento respecto ó 2005, cando tiña 281 habitantes.

Patrimonio

A súa igrexa parroquial é un templo dunha soa nave cunha ábsida rectangular, que conserva elementos do románico tardío ou protogótico. Os perpiaños moi irregulares distribúense en fiadas dando como resultado, pola contra, uns paramentos ben rematados. Segundo Bango Torviso o estilo do aleiro da ábsida, principalmente, indica un estilo de orixe ourensán, da zona de Oseira ou Terra do Carballiño, de finais do último terzo do século XII.

Hai dúas capelas no Cádavo e en Dorna, e no leste da parroquia consérvanse os restos da capela de San Lourenzo, restaurados en 2010. Amais, hai dous petróglifos, unha mámoa e dous cruceiros.

Galería de imaxes

Artigo principal: Galería de imaxes de Sacos, Cotobade.

• 
  Casa do Pobo.
• 
  Canzorros da fachada meridional da igrexa parroquial.
• 
  Esculturas do muro piñón da igrexa.
• Restos da capela de San Lourenzo.
  Restos da capela de San Lourenzo.

Lugares e parroquias

Lugares de Santa María de Sacos

Lugares da parroquia de Sacos no concello pontevedrés de Cerdedo-Cotobade
O Cádavo | Dorna | As Eiras | Vila de Abaixo | Vila de Arriba

Véxase tamén

Outros artigos

• Lugares de Cotobade