Claude Saumaise

Claude Saumaise.

Claude Saumaise, nado en Semur-en-Auxois en 1588 e finado en 1653, foi un coñecido sabio, humanista e filólogo francés chamado o Príncipe dos Comentadores.

Traxectoria

O seu primeiro mestre foi o seu pai Benigno, maxistrado e sabio distinguido e contou tamén coa amizade de Isaac Casaubon e Gruter, emprendendo con ánimo resolto o estudo da maior parte das ciencias da súa época (medicina, xurisprudencia, teoloxía, historia).

Claude de Saumaise aprendeu de forma autodidacta as seguintes linguas: persa, caldeo, árabe e o copto e posteriormente abrazou a relixión reformada, estableceuse en Holanda e permaneceu moito tempo en Leiden.

Este sabio adquiriu pronto unha reputación universal e os reis disputáronse o honor de telo nas súas cortes:

• O Cardeal Richelieu e Mazarino procuraron, en van, levalo a Francia.
• A raíña Cristina de Suecia que fose a Suecia.
• Carlos II de Inglaterra encargoulle que redactase unha apoloxía do seu pai Carlos I, apoloxía que lle valeu unha viva polémica con John Milton.

Deixou 60 manuscritos e moitas obras impresas e as súas principais obras son as edicións de Floro (1609), de L. Ampelius, da Historia Augusta, de Tertuliano, de Pallio, de Aquiles Tacio (1640) e de Solino coas Exercitationes plinianae (1529).

Claudio aparte da súa gran reputación, foi extraordinariamente enxalzado durante a súa vida e nunha ausencia un pouco longa da cidade holandesa de Leiden, os seus habitantes escribíronlle unha carta en que lle rogaban que regresase a Leiden, con estas palabras: «Así como o mundo non podería carecer do Sol, a Academia de Leiden non pode pasar sen Saumaise».

Obras

• Autor con outros escritores de Anthologia Graeca cum versione latina.., Ultrajecti, 1795-1822, 5 volumes.
• Claude Saumaise & André Rivet:...., Amsterdam: APA-Holland University Press, 1987.
• Virorum aliquot eruditorum..., Amstelaedami: Geradum de Groot, 1752.
• Historia augustae scriptores..., París: 1620.
• Cl. Salmasii de re militari romanorum liber:.., Leiden, J.Elseverium, 1657.
• Claudii Salmasii de Hellenistica commentarius:..., Leiden: Ex Officina Elseviriorum, 1643.
• Xunto a outros autores Museum philologicum et historicum..., Lugduni Batavorum: sumtibus Abrahami vander Mijn, 1699-700, 2 volumes.
• Cl. Salmasii Librorum de primatu Papae par primera:...., Lugduni Batavorum, 1645.

Véxase tamén

Bibliografía

• Diccionario universal de historia y geografía, 1846-50, Madrid, F. de Paula Mellado, 8 tomos.

Bibliografía complementaria

• Ampelius, Lucius. Memoriale, Venezia: G. Antonelli, 1841.
• Leroy, P. Le dernier vogaye a Paris et en Bourgogne, 1640-1643, du reforme Claude Saumaise: libre erudition et contrainte politique sous Richelieu, Amsterdam: APA-Holland University Press, 1983.
• Orbis doctus, 1500-1850:..., Amsterdam & Utrecht: APA-Holland University, 2005.